قازاقستاندا جۇزەگە اسىرۋ پەرسپەكتيۆالارى تالقىلاندى.
مەملەكەت باسشىسى Yildirim Holding كومپانيالار توبىنىڭ پرەزيدەنتى ءارى باس ديرەكتورى روبەرت يۋكسەل يىلدىرىمدى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
كەزدەسۋدە حيميا ونەركاسىبى سالاسىنداعى بىرلەسكەن ءبىرقاتار ينۆەستيسيالىق جوبانى قازاقستاندا جۇزەگە اسىرۋ پەرسپەكتيۆالارى تالقىلاندى.
روبەرت يۋكسەل يىلدىرىم قاسىم-جومارت توقايەۆقا جامبىل وبلىسى سارىسۋ اۋدانىنداعى كالسيي قوسىلعان سودا شىعاراتىن زاۋىت قۇرىلىسىنىڭ بارىسى تۋرالى مالىمەت بەردى. جوبانىڭ قۇنى – 400 ميلليون دوللار.
سونىمەن قاتار تۇرىك كاسىپكەرى مەملەكەت باسشىسىنا اقتوبە وبلىسىنداعى «ۆوسحود» كەن ورنىندا حروم كونسەنتراتىن وندىرۋگە جانە ءونىم شىعارۋعا قاتىستى ينۆەستيسيالىق جوبانىڭ جۇزەگە اسىرىلۋى، ەلىمىزدىڭ ءبىرقاتار وڭىرىندە قاتتى پايدالى قازبالاردى بارلاۋ جونىندەگى «قازگەولوگيا» اكسيونەرلىك قوعامىمەن بىرلەسكەن جۇمىستارى تۋرالى ايتتى.
كەزدەسۋ سوڭىندا قاسىم-جومارت توقايەۆ تۇركيامەن ءوزارا ءتيىمدى ىنتىماقتاستىقتى نىعايتۋ ماڭىزدى ەكەنىن اتاپ ءوتىپ، كومپانيانىڭ ەلىمىزدەگى ينۆەستيسيالىق جۇمىستارىن قولدايتىنىن جەتكىزدى.
