پرەزيدەنتكە ەلىمىزدەگى قۇقىقتىق ءتارتىپتى قالپىنا كەلتىرۋ جۇمىستارى تۋرالى مالىمەت بەرىلدى.
مەملەكەت باسشىسى قاسىم-جومارت توقايەۆ ىشكى ىستەر ءمينيسترى ەرلان تۇرعىمبايەۆتى قابىلدادى، دەپ حابارلايدى Almaty-akshamy.kz اقوردا سايتىنا سىلتەمە جاساپ.
قازىرگى ۋاقىتتا ىشكى ىستەر مينيسترلىگىندە 2739 قىلمىستىق ءىس بويىنشا تەرگەپ-تەكسەرۋ ءجۇرىپ جاتىر. اتاپ ايتقاندا، ۇرلىق، زاڭسىز قارۋ ساتۋ، وزگەنىڭ مۇلكىن قاساقانا ءبۇلدىرۋ جانە باسقا دا دەرەكتەر بويىنشا ءىس قوزعالعان. قازىرگى ۋاقىتتا 271 ادام قاماۋدا وتىر. ولاردىڭ 196-سى - بۇرىن قىلمىستىق جاۋاپكەرشىلىككە تارتىلعان ازاماتتار.
ەرلان تۇرعىمبايەۆتىڭ ايتۋىنشا، تەرگەۋ بارىسىندا ازاماتتاردىڭ قۇقىقتارى ساقتالادى. قىلمىس قۇرامىنا بايلانىستى، قوعامنان وقشاۋلاۋعا جاتپايتىن 103 ازامات تەرگەۋ يزولياتورلارىنان بوساتىلدى. تاعى 200-دەن استام كۇدىكتىگە قاتىستى ەشقايدا كەتپەۋ تۋرالى قولحات الۋ نەمەسە كەپىلدىك قويۋ بويىنشا شارالار قابىلدانىپ، تەرگەۋ يزولياتورلارىنا قاماماۋعا شەشىم شىعارىلعان.
مينيستر پارلامەنت ءماجىلىسىنىڭ دەپۋتاتتارىنا، قوعامدىق-باقىلاۋ كوميسسيالارى مەن ۇكىمەتتىك ەمەس ۇيىمداردىڭ وكىلدەرىنە تەرگەۋ يزولياتورلارىنا كىرۋگە مۇمكىندىك بەرىلگەنىن جەتكىزدى.
قاسىم-جومارت توقايەۆقا ىشكى ىستەر ورگاندارىنىڭ داعدارىس جاعدايلارىنا دايىندىعىن ارتتىرۋعا، كۇشتىك ورگانداردىڭ ءوزارا ءىس-قيمىل الگوريتمىن قايتا قاراۋعا باعىتتالعان شارالار تۋرالى مالىمەت بەرىلدى.
پرەزيدەنت ىشكى ىستەر مينيسترلىگىنە ەلدەگى قۇقىقتىق ءتارتىپتى قامتاماسىز ەتۋ، ۇستالعان ادامداردىڭ كونستيتۋسيالىق قۇقىقتارىن قورعاۋ جانە قاڭتارداعى قايعىلى جاعدايلاردىڭ سەبەپتەرىنە وبەكتيۆتى تەرگەۋ جۇرگىزۋ جونىندەگى جۇمىستاردى جالعاستىرۋدى تاپسىردى.