ول قاشىقتىقتى 1:15.69 سەكۋندتا جۇگىرىپ ءوتتى.
بەيجىڭدەگى وليمپيادا ويىندارىندا 1000 مەترگە كونكيمەن جۇگىرۋدەن ايەلدەر اراسىنداعى باسەكە اياقتالدى. بۇل سىنعا قازاقستان اتىنان ەكى سپورتشى قاتىستى، دەپ حابارلايدى Almaty-akshamy.kz Olympic.kz سىلتەمە جاساپ.
ءبىزدىڭ كونكيشىلەر اراسىنان ۇزدىك ناتيجەنى نادەجدا موروزوۆا كورسەتتى. ول اتالعان قاشىقتىقتى 1:15.69 سەكۋندتا جۇگىرىپ ءوتىپ، قورىتىندى ەسەپتە 11ء-شى ورىن الدى.
ەكاتەرينا ايدوۆا 1:16.70 ۋاقىت كورسەتكىشىمەن جارىستى 19-شى ورىندا اياقتادى.
كونكيشىلەر دوداسىندا وليمپيادا رەكوردىن ورناتقان جاپوندىق ميحو تاكاگي (1:13.19) جەڭىسكە جەتتى. ەكىنشى ورىندى نيدەرلاندتىق يۋتتا لەردام (1:13.83)، ءۇشىنشى ورىندى امەريكالىق بريتتاني بوۋي (1:14.61) يەلەنگەن.