كەزدەسۋ بارىسىندا ىنتىماقتاستىقتى ودان ءارى دامىتۋعا قاتىستى ماسەلەلەر تالقىلاندى.
قازاقستان پرەزيدەنتى قاسىم-جومارت توقايەۆ بۇۇ باس حاتشىسىنىڭ وركەنيەتتەر اليانسى جونىندەگى جوعارى وكىلى ميگەل انحەل موراتينوستى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
كەزدەسۋدە الەمدىك جانە ءداستۇرلى دىندەر كوشباسشىلارىنىڭ VII سەزىنىڭ كۇن تارتىبىنە جانە قازاقستان مەن بۇۇ وركەنيەتتەر اليانسى اراسىنداعى ىنتىماقتاستىقتى ودان ءارى دامىتۋعا قاتىستى ماسەلەلەر تالقىلاندى.
مەملەكەت باسشىسى ميگەل انحەل موراتينوسقا قازاقستانعا كەلگەنىنە جانە فورۋمدى وتكىزۋگە دايەكتى تۇردە قولداۋ كورسەتكەنىنە العىس ايتتى. سونداي-اق اليانستىڭ بەيبىتشىلىك، توزىمدىلىك مادەنيەتىن ىلگەرىلەتۋگە مەن ادامداردى بىرىكتىرۋگە باعىتتالعان كۇش-جىگەرىن جوعارى باعالادى.
بۇۇ باس حاتشىسىنىڭ جوعارى وكىلى الەمدىك جانە ءداستۇرلى دىندەر كوشباسشىلارىنىڭ VII سەزىنىڭ جوعارى دەڭگەيدە ۇيىمداستىرىلعانىن اتاپ ءوتىپ، جيىن ناتيجەلەرى بەيبىتشىلىكتى، كەلىسىمدى جانە ءدىنارالىق ديالوگتى نىعايتۋعا ىقپال ەتەتىنىنە سەنىم ءبىلدىردى.