ينۆەستيسيالاردىڭ ءوسۋ قارقىنى 5،7%-عا دەيىن جەدەلدەگەن.
پرەمەر-مينيستر ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا بيىلعى 8 ايداعى ەلىمىزدىڭ الەۋمەتتىك-ەكونوميكالىق دامۋىنىڭ قورىتىندىسى جانە رەسپۋبليكالىق بيۋدجەتتىڭ اتقارىلۋى قارالدى، دەپ حابارلايدى Almaty-akshamy.kz Primeminister.kz سىلتەمە جاساپ.
ۇلتتىق ەكونوميكا ءمينيسترى الىبەك قۋانتىروۆ بيىلعى قاڭتار-تامىزدا قازاقستان ەكونوميكاسىنىڭ ءوسۋ قارقىنى 3،1%-دى قۇراعانىن مالىمدەدى.
ناقتى سەكتور 3،3%-عا ءوستى، قىزمەت كورسەتۋ سالاسىندا ىسكەرلىك بەلسەندىلىك 2،3%-عا ءوستى. سالالار اراسىندا قۇرىلىس، اقپارات جانە بايلانىس، كولىك جانە قويمالاۋ، ساۋدا، وڭدەۋ ونەركاسىبى، اۋىل شارۋاشىلىعى، تاۋ-كەن ءوندىرۋ ونەركاسىبى جاقسى قارقىنمەن ءوسىپ كەلەدى. سونىمەن قاتار نەگىزگى كاپيتالعا سالىنعان ينۆەستيسيالاردىڭ ءوسۋ قارقىنى 5،7%-عا دەيىن جەدەلدەگەن.
«اتالعان كەزەڭدە سىرتقى ساۋدا اينالىمى 36،9%-عا ءوسىپ، $74،3 ملرد-تى قۇرادى: ەكسپورت 52،9%-عا ءوسىپ، $48،9 ملرد بولدى. ونىڭ ىشىندە وڭدەلگەن تاۋارلار 35،7%-عا ءوسىپ، 14،3 ملرد بولدى، ال تاۋار يمپورتى $25،3 ملرد-قا جەتتى (14%-عا ءوستى). وڭ ساۋدا تەڭگەرىمى $23،6 ملرد-قا جەتتى (ءوسىم 2،4 ەسە).وڭدەۋ ونەركاسىبى سالالارى بويىنشا ماشينا جاساۋ ءوندىرىسى 7،9%-عا، ونىڭ ىشىندە اۆتوموبيل جاساۋ 18،2%-عا، ەلەكتر جابدىقتارى ءوندىرىسى 8،3%-عا، تاماق ونىمدەرىنىڭ ءوندىرىسى 3،5%-عا، سۋسىندار ءوندىرىسى 7،5%-عا، پلاستماسسا بۇيىمدارىنىڭ ءوندىرىسى 5،1%-عا، دايىن مەتالل بۇيىمدارى ءوندىرىسى 2،4%-عا، حيميا ونەركاسىبى 11،8%-عا، كيىم-كەشەك ءوندىرىسى 7،1%-عا ءوستى»، - دەدى الىبەك قۋانتىروۆ.