پرەزيدەنت شىمكەنت مۇناي وڭدەۋ زاۋىتىنا باردى

ءقازىر زاۋىت ىشكى نارىقتىڭ 40 پايىزىن قامتاماسىز ەتىپ وتىر

قاسىم-جومارت توقايەۆ شىمكەنت قالاسىنا جۇمىس ساپارى بارىسىندا شىمكەنت مۇناي وڭدەۋ زاۋىتىنىڭ وندىرىستىك قۋاتىمەن تانىستى، دەپ حابارلايدى Almaty-akshamy.kz اقورداعا سىلتەمە جاساپ.

بۇگىندە زاۋىتتىڭ جوبالىق قۋاتى جىلىنا 6 ميلليون توننا مۇناي وڭدەي الاتىن دەڭگەيگە جەتىپ، ك-4، ك-5 ەكولوگيالىق ساناتىنداعى جانار-جاعارماي وندىرە باستاعان.

زاۋىتتى باسقارۋشى كومپانيا – "پەترو قازاقستان ويل پروداكتس" ءجشس-نىڭ پرەزيدەنتى ەربولات قوجابايەۆ مەملەكەت باسشىسىنا قايتا جاڭعىرتۋدان وتكەن ءوندىرىستىڭ قازىرگى جۇمىسى تۋرالى باياندادى.

بۇدان كەيىن زاۋىت جۇمىسشىلارىمەن اڭگىمەلەسكەن پرەزيدەنت ءوندىرىس ورنىنىڭ ستراتەگيالىق ماڭىزىنا توقتالدى.

«ءقازىر زاۋىت ىشكى نارىقتىڭ 40 پايىزىن قامتاماسىز ەتىپ وتىر. ءونىمنىڭ ساپاسى دا جاقساردى. بۇل – وتە اۋقىمدى جۇمىس. وسىنىڭ ءبارى سىزدەردىڭ، ياعني جۇمىسشىلاردىڭ قاجىرلى ەڭبەگىنىڭ ارقاسىندا مۇمكىن بولىپ وتىر»، – دەدى قاسىم-جومارت توقايەۆ.

كەيىنگى ءۇش جىلدا زاۋىتتىڭ بەنزين ءوندىرىسى 2،1 ميلليون تونناعا، اۆياكەروسين ءوندىرىسى 340 مىڭ تونناعا، ديزەل وتىنى 1،9 ميلليون تونناعا دەيىن ارتقان. ءونىم تولىقتاي ىشكى نارىققا وتكىزىلەدى.