جولداۋعا ارنالعان بريفينگ
قازاقستاندا جۇرگىزىلىپ جاتقان رەفورمالار ەل تۇرعىندارىنىڭ ومىرىنە وڭ اسەر ەتەتىن بولادى. مۇنداي پىكىردى «حالىقارالىق الەۋمەتتانۋ جانە ساياسات ينستيتۋتى» قوعامدىق قورى ديرەكتورىنىڭ ورىنباسارى، الماتى قالالىق قوعامدىق كەڭەسىنىڭ مۇشەسى مارات شيبۇتوۆ ءبىلدىردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
جولداۋدى تالقىلاۋعا ارنالعان بريفينگتە مارات شيبۇتوۆ كەزەكتەن تىس پرەزيدەنت سايلاۋىنا قاتىستى ءوز ويىن ايتتى.
«بىرىنشىدەن، سايلاۋ ءارتۇرلى مەرزىمدە وتەدى. ءارتۇرلى كەزەكتى جانە كەزەكتەن تىس سايلاۋ اراسىندا ۋاقىت ارالىعى بار. ەكىنشىدەن، پرەزيدەنتتىڭ ءوز مانداتىن، ياعني ازاماتتاردىڭ سەنىمىن راستاۋعا دەگەن ۇمتىلىسى، ال ۇشىنشىدەن، پرەزيدەنت پرەزيدەنتتىكتىڭ ءبىر مەرزىمىن وتكىزۋدى ويلاستىرۋدا. بۇل پرەزيدەنت لاۋازىمىنىڭ ماعىناسىن تۇبەگەيلى وزگەرتەدى جانە بۇل ءبىزدى سۋپەر-پرەزيدەنتتىك رەسپۋبليكادان قاراپايىم پرەزيدەنتتىك-پارلامەنتتىك رەسپۋبليكاعا، مۇمكىن پارلامەنتتىك رەسپۋبليكاعا اينالدىرۋدىڭ جولى»، - دەپ ءتۇسىندىردى مارات شيبۇتوۆ.
ەسكە سالايىق، 1 قىركۇيەك كۇنى مەملەكەت باسشىسى قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا حالىققا جولداۋىن جاريالادى.