بۇل – مەيىرىمدىلىكتى، بەيبىتشىلىكتى، ادىلدىكتى دارىپتەيتىن مەيرام، دەدى مەملەكەت باسشىسى.
مەملەكەت باسشىسى قاسىم-جومارت توقايەۆ قازاقستاندىقتاردى پاسحا مەرەكەسىمەن قۇتتىقتادى، دەپ حابارلايدى اlmaty-akshamy.kz اقورداعا سىلتەمە جاساپ.
قۇرمەتتى وتانداستار!
ەلىمىزدىڭ پراۆوسلاۆ حريستياندارىن پاسحا مەرەكەسىمەن قۇتتىقتايمىن!
بۇل – مەيىرىمدىلىكتى، بەيبىتشىلىكتى، ادىلدىكتى دارىپتەپ، جۇرتشىلىقتى قايىرىمدىلىق جاساۋعا، جاقىندارىنا جاناشىر بولۋعا شاقىراتىن مەيرام.
مەملەكەت پەن قوعامنىڭ تۇراقتى دامۋىنا نەگىز بولىپ وتىرعان گۋمانيزم، ءدىني توزىمدىلىك جانە تىلەۋلەستىك سياقتى قۇندىلىقتاردى ورنىقتىرۋعا پراۆوسلاۆ قاۋىمى زور ۇلەس قوسىپ كەلەدى.
قازاقستاندا زاڭ ۇستەمدىگىن ورنىقتىرۋ، ازاماتتارعا تەڭ مۇمكىندىكتەر ۇسىنۋ جانە ولاردىڭ قۇقىقتارى مەن بوستاندىقتارىن قورعاۋ ءۇشىن اۋقىمدى وزگەرىستەر جالعاسا بەرەدى.
ءبىز جالپىۇلتتىق بىرلىكتى نىعايتىپ، باعا جەتپەس بايلىعىمىز – ەتنوستار مادەنيەتىنىڭ جانە ءدىني ءسالت-داستۇردىڭ ءارالۋاندىعىن ساقتايمىز.
پاسحا مەرەكەسى ءار شاڭىراققا شاتتىق پەن قۋانىش اكەلسىن!
بارشاڭىزعا زور دەنساۋلىق، باق-بەرەكە جانە تولاعاي تابىس تىلەيمىن!