ستراتەگيالىق سەرىكتەستىگىنىڭ دامۋ پەرسپەكتيۆالارىن تالقىلادى.
مەملەكەت باسشىسى قاسىم-جومارت توقايەۆ قازاقستانعا جۇمىس ساپارىمەن كەلگەن تۇركيانىڭ سىرتقى ىستەر ءمينيسترى ميەۆليۋت چاۆۋشوعلۋمەن ونلاين-كەزدەسۋ وتكىزدى، دەپ حابارلايدى Almaty-akshamy.kz اقورداعا سىلتەمە جاساپ.
اڭگىمەلەسۋ بارىسىندا ولار ساۋدا-ەكونوميكالىق، ينۆەستيسيالىق جانە مادەني-گۋمانيتارلىق ىنتىماقتاستىقتى ودان ءارى نىعايتۋعا ءمان بەرە وتىرىپ، قازاق-تۇرىك ستراتەگيالىق سەرىكتەستىگىنىڭ دامۋ پەرسپەكتيۆالارىن تالقىلادى.
قازاقستان كوشباسشىسى تۇركيا پرەزيدەنتى رەجەپ تاييپ ەردوعانعا جۇرەكجاردى سالەمىن جولداپ، ونى قازاقستانعا ساپارمەن وسى جىلى كەلۋگە شاقىرعانىن تاعى دا ناقتىلادى. ساپار مەرزىمى ديپلوماتيالىق كانالدار ارقىلى پىسىقتالادى.
مەملەكەت باسشىسى كەلەسى اپتادا نۇر-سۇلتاندا وتەتىن قازاقستان مەن تۇركيانىڭ ساۋدا-ەكونوميكالىق ىنتىماقتاستىق جونىندەگى مەملەكەتارالىق كوميسسياسىنىڭ XII وتىرىسى ءوزارا ءتيىمدى سەرىكتەستىكتى ودان ءارى دامىتۋعا ىقپال ەتەتىنىن ايتتى. قاسىم-جومارت توقايەۆ تۇرىك كومپانيالارى قاتىساتىن بىرلەسكەن جوبالارعا قازاقستان ۇكىمەتى تاراپىنان قولداۋ كورسەتىلەتىنىن راستادى.
ميەۆليۋت چاۆۋشوعلۋ كەزدەسۋگە مۇمكىندىك بەرگەنى ءۇشىن قازاقستان پرەزيدەنتىنە العىس ايتتى. سونداي-اق مينيستر قاڭتار وقيعاسى كەزىندە بولعان قايعىلى جاعدايلارعا بايلانىستى كوڭىل ايتىپ، قاسىم-جومارت توقايەۆقا رەجەپ تاييپ ەردوعاننىڭ سالەمىن جەتكىزدى.
تۇرىك ديپلوماتى قازاقستان پرەزيدەنتىنىڭ باسشىلىعىمەن جۇزەگە اسىرىلىپ جاتقان ساياسي جانە ەكونوميكالىق رەفورمالاردى تۇركيانىڭ تولىق قولدايتىنى جونىندە ايتتى.