مەملەكەت باسشىسى رەسەيدىڭ فەدەرالدىق جينالىسى فەدەراسيا كەڭەسىنىڭ ءتوراعاسى ۆالەنتينا ماتۆيەنكومەن كەزدەسۋ وتكىزدى، دەپ حابارلايدى aqshamnews.kz.
قاسىم-جومارت توقايەۆ فەدەراسيا كەڭەسى ءتوراعاسىنىڭ ساپارى پارلامەنتارالىق بايلانىستى نىعايتۋ تۇرعىسىنان عانا ەمەس، قازاقستان مەن رەسەيدىڭ كوپجوسپارلى ستراتەگيالىق سەرىكتەستىگىن بارلىق باعىتتا ودان ءارى ارتتىرۋ ءۇشىن ماڭىزدى ەكەنىن ايتتى.
– مەملەكەتتەرىمىز اراسىنداعى قارىم-قاتىناس قارقىندى دامىپ كەلەدى. جاقىندا ءبىزدىڭ ەلىمىزگە ۆلاديمير ۆلاديميروۆيچ پۋتين مەملەكەتتىك ساپار جاسادى. بۇل ستراتەگيالىق سەرىكتەستىكتى، ەكى ەل اراسىنداعى وداقتاستىقتى دامىتۋعا تىڭ سەرپىن بەردى. مەن ەكىجاقتى ىقپالداستىقتىڭ بولاشاعى زور دەپ ويلايمىن، – دەدى پرەزيدەنت.
قاسىم-جومارت توقايەۆتىڭ ايتۋىنشا، بۇل ۇدەرىستە پارلامەنتارالىق ديپلوماتيا ايرىقشا رولگە يە. پرەزيدەنت دەپۋتاتتار قازاقستان مەن رەسەي اراسىنداعى ءوزارا ءتيىمدى ىنتىماقتاستىقتى ىلگەرىلەتۋگە ايتارلىقتاي ۇلەس قوسادى دەپ سانايدى.