ءبىرقاتار ناقتى تاپسىرما بەرىلدى.
مەملەكەت باسشىسى قاسىم-جومارت توقايەۆ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆتى قابىلدادى، دەپ حابارلايدى Almaty-akhamy.kz Akorda.kz سىلتەمە جاساپ.
قاسىم-جومارت توقايەۆقا سىبايلاس جەمقورلىققا قارسى ءىس-قيمىل اگەنتتىگىنىڭ بيىلعى 8 ايدا اتقارعان جۇمىستارىنىڭ نەگىزگى قورىتىندىسى جونىندە ەگجەي-تەگجەيلى ەسەپ بەرىلدى.
سىبايلاس جەمقورلىققا قارسى ءىس-قيمىل اگەنتتىگىنىڭ جەتەكشىسى پرەزيدەنتكە مەملەكەت باسشىسى جولداۋىنىڭ جانە تاپسىرمالارىنىڭ ورىندالۋى تۋرالى باياندادى. مارات احمەتجانوۆ اگروونەركاسىپ سەكتورىنداعى سۋبسيديالاۋعا قاتىستى كەشەندى تالداۋدىڭ الدىن الا قورىتىندىلارى جانە ناقتى قىلمىستىق ىستەر بويىنشا سوتقا دەيىنگى تەرگەۋ ناتيجەلەرى تۋرالى اقپارات بەردى.
قاسىم-جومارت توقايەۆقا الدىن الۋ شارالارىن بەلسەندى جۇرگىزە وتىرىپ، ءجيى كەزدەسەتىن جانە تۇرمىستىق سىبايلاس جەمقورلىققا قارسى ءىس-قيمىل تاسىلدەرىن جەتىلدىرۋ جۇمىستارى جونىندە ايتىلدى.
كەزدەسۋ قورىتىندىسى بويىنشا قاسىم-جومارت توقايەۆ مارات احمەتجانوۆقا ءبىرقاتار ناقتى تاپسىرما بەردى.