ەستەرىڭىزدە بولسا، وڭتۇستىك استانادا «كوكتەم كوركى – قىزعالداق» دەگەن اتاۋمەن قىزعالداق فەستيۆالى وتكەن بولاتىن. فەستيۆالدە قىزعالداقتىڭ جاڭا «پرەزيدەنت نازاربايەۆ» سۇرپى تانىستىرىلدى. بۇل قىزعالداقتىڭ جاڭا ءتۇرىن گوللاندىق سەلەكسيونەر جان لايتحارد ومىرگە اكەلدى. گۇلدەر الدىمەن نۇرسۇلتان نازاربايەۆقا نيدەرلاندتا وتكەن يادرولىق قاۋىپسىزدىك سامميتىنە قاتىسقان كەزىندە تانىستىرىلعان ەدى.
اتالعان سۇرىپتىڭ ەرەكشەلىگى سول – ول وتە ءىرى جانە قىزعىلت اقتاڭداقتارى بار. بويىنىڭ بيىكتىگى 70 سانتيمەترگە دەيىن جەتەتىن گۇلدەر كوكتەمنىڭ ءۇش ايىندا دا گۇلدەپ تۇرادى.
«جاس ناتۋراليستەر ستانسياسى» مكقك ديرەكتورى زەينەپ اريشيەۆانىڭ ايتۋىنشا، «گرين لاند» كومپانياسى «پرەزيدەنت نازاربايەۆ» قىزعالداعىنىڭ 10 مىڭ باداناسىن ساتىپ الىپ، قازاقستانعا جەتكىزگەن. گۇلدەر الماتىداعى ورتالىق مادەنيەت جانە دەمالىس ساياباعىندا جانە الماتى قالاسىنداعى تۇڭعىش پرەزيدەنت پاركىندە ءوسىپ تۇر. ونىڭ ايتۋىنشا، گوللاندىق سەلەكسيونەرلەر، سونداي-اق «قازاقستان رەسپۋبليكاسى» سۇرپىن دا جاساعان. اتالعان قىزعالداقتىڭ گۇلدەرى بوكال ءتارىزدى جانە اسا ءىرى بولىپ كەلەدى.
الداعى ۋاقىتتا قىزعالداق گ ۇلىنىڭ سانىن ەداۋىر ارتتىرۋ كوزدەلگەن. «قازاقستان – قىزعالداقتىڭ وتانى بولىپ سانالاتىنىن عالىمدار عىلىمي ەڭبەكتە دە دالەلدەگەن جانە ەلباسى ءوزىنىڭ «ۇلى دالانىڭ جەتى قىرى» ماقالاسىندا دا ەرەكشە اتاپ ءوتتى. قازاقستان جەرىنەن العاش رەت دالا قىزعالداقتارى XVIII عاسىردا تۇرىك پاديشاحتارى ارقىلى تۇركياعا، ودان ءارى اۆستريا مەن گوللاندياعا تاراتىلدى. قازىرگى كەزدە گوللانديا ەلى قىزعالداقتىڭ ءتۇرلى سورتتارىن شىعارۋدا. ەلباسى ن.نازاربايەۆتىڭ ماقالاسى شىققاننان كەيىن گوللانديادا 3 ءتۇرلى سورتتى قىزعالداقتىڭ ءتۇرى دايىندالدى.