ق ر پرەزيدەنتى قاسىم-جومارت توقايەۆ سىبايلاس جەمقورلىققا قارسى ءىس-قيمىل ماسەلەلەرى جونىندە كەڭەستە اقپاراتتىق جۇيەلەر مەن دەرەكتەر بازاسىنىڭ جۇمىسىنا قاتىستى ماسەلەلەرگە ارنايى توقتادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ولار قانداي مىندەتتەر ورىندايدى، ولارعا كىمنىڭ قولى جەتىمدى، قانشا قارجى جۇمسالدى، ازاماتتار مەن مەملەكەتكە ودان قانداي پايدا بار؟ سيفرلاندىرۋ جونىندەگى جۇمىستاردىڭ باسىمدىقتارى ناقتى جۇيەلەنۋى كەرەك. مەملەكەت قىزمەت تۇرلەرىن الۋدى شىنايى تۇردە جەڭىلدەتەتىن «ەلەكتروندى ۇكىمەت» نەمەسە جۇرگىزۋشىلەردىڭ جول ءجۇرۋ ءتارتىبىن كۇشەيتكەن جانە جول ەرەجەلەرىنىڭ بۇزىلۋىن تىركەۋدە ادامي فاكتوردى الماستىرعان «سەرگەك» سياقتى جوبالار بولسا، وندا ءجون. سونىمەن قاتار ەگەر سيفرلاندىرۋ دەگەن جەلەۋمەن بيۋدجەتتەن قارجى جۇمسالىپ، كەيىن ەشكىمگە قاجەتى جوق رەسۋرستارعا كورسەتىلگەن قىزمەت ءۇشىن بىرەۋلەر ميلليونداپ الاتىن بولسا، وندا اڭگىمە باسقا»، – دەدى پرەزيدەنت.