قۇرىلىم ۇلتتىق قاۋىپسىزدىكتى قامتاماسىز ەتۋ جۇيەسىندە اسا ماڭىزدى ءرول اتقاردى.
پرەزيدەنت مەملەكەتتىك كۇزەت قىزمەتىنىڭ 30 جىلدىعىنا ارنالعان سالتاناتتى ءىس-شاراعا قاتىسىپ، سالا قىزمەتكەرلەرىن قۇتتىقتادى، دەپ حابارلايدى Almaty-akshamy.kz
قاسىم-جومارت توقايەۆ مەملەكەتتىك كۇزەت قىزمەتىنىڭ ءتۇرلى سىن-قاتەرلەر مەن قاۋىپتەرگە دەر كەزىندە توتەپ بەرۋ مۇمكىندىگىنىڭ زور ەكەنىن اتاپ ءوتىپ، بۇل قۇرىلىمنىڭ ۇلتتىق قاۋىپسىزدىكتى قامتاماسىز ەتۋ جۇيەسىندە اسا ماڭىزدى ءرول اتقاراتىنىن، كۇزەت قىزمەتكەرلەرىنە ايرىقشا جاۋاپكەرشىلىك جۇكتەلەتىنىن ايتتى.
«مەملەكەتتىك كۇزەت قىزمەتى – ەرەكشە قۇرىلىم. سوندىقتان وعان قويىلاتىن تالاپ تا ءارقاشان جوعارى بولماق. سىزدەر جۇكتەلگەن مىندەتتى شۇعىل ءارى ءتيىمدى اتقارادى دەپ سەنەمىن. ءمىنسىز قىزمەتتەرىڭىز ءۇشىن بارشاڭىزعا شىنايى ريزاشىلىعىمدى بىلدىرەمىن»، – دەدى پرەزيدەنت.
جيىن سوڭىندا مەملەكەت باسشىسى سالا قىزمەتكەرلەرىنىڭ ەڭبەگىنە تابىس تىلەپ، ءبىرقاتارىن مەملەكەتتىك ناگرادالارمەن ماراپاتتادى.