ماجىلىستەگى Nur Otan پارتيالىق فراكسياسىن قايتا جۇكتەۋ كەرەك. بۇل تۋرالى Nur Otan پارتياسىنىڭ كەزەكتەن تىس ءححى سەزىندە ق ر پرەزيدەنتى قاسىم-جومارت توقايەۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
پرەزيدەنت الداعى رەفورمالاردى زاڭنامالىق ساپالى قامتاماسىز ەتۋ ءۇشىن ماجىلىستەگى پارتيالىق فراكسيانى قايتا جۇكتەۋ قاجەت ەكەنىن اتاپ ءوتتى. فراكسيا مۇشەلەرى فورماليزمنەن اۋلاق بولىپ، قوعام وكىلدەرىمەن كوبىرەك قارىم-قاتىناستا بولۋى ءتيىس.
وسى ورايدا مەملەكەت باسشىسى دەپۋتاتتار تىكەلەي مىندەتى اياسىندا وزەكتى پروبلەمالاردىڭ ءمان-جايىن جەتكىلىكتى ءتۇسىنىپ، پارتيانىڭ ۇستانىمىن تىڭعىلىقتى ءتۇسىندىرىپ، قورعاۋى كەرەك ەكەنىن، سونداي-اق اشىق پوپۋليزمگە سالىنباۋى ماڭىزدى ەكەنىن قاداپ ايتتى.
«سايلاۋشىلارمەن تىكەلەي ديالوگ قۇرۋ، تۇراقتى تۇردە ازاماتتارمەن كەزدەسۋ اسا ماڭىزدى، وسى ورايدا شالعايداعى اۋىلدارعا بارۋ كەرەك»، - دەدى قاسىم-جومارت توقايەۆ.
بۇل تۇرعىدا پرەزيدەنت پارلامەنتتە دەپۋتاتتار جولدايتىن ساۋالداردىڭ مازمۇنى ناقتى ماسەلەنى قامتىپ، تۇرعىندار پروبلەماسىن كورسەتۋى كەرەك ەكەنىن ايتتى.