ەرلان قوشانوۆ ءماجىلىستىڭ قازىرگى زاڭ شىعارۋ قىزمەتى تۋرالى باياندادى.
ونىڭ ايتۋىنشا، جوسپارلانعان وزگەرىستەردى زاڭنامالىق تۇرعىدا قامتاماسىز ەتۋ جونىندەگى مەملەكەت باسشىسىنىڭ جۇكتەگەن بارلىق مىندەتى ءتيىستى دەڭگەيدە جانە ۋاقىتىلى ورىندالىپ جاتىر، دەپ حابارلايدى اlmaty-akshamy.kz.
سوڭعى ەكى ايدا عانا ءماجىلىس 18 زاڭ قابىلداپ، سەناتتىڭ قاراۋىنا جىبەرگەن.
اتاپ ايتقاندا، وتباسىلىق-تۇرمىستىق زورلىق-زومبىلىققا قارسى ءىس-قيمىل، سيفرلاندىرۋ، عىلىم، بيزنەس جۇرگىزۋ، مەديسينا قىزمەتكەرلەرىنىڭ جاۋاپكەرشىلىگىن ساقتاندىرۋ، ترانسفەرتتىك باعا بەلگىلەۋ، حالىقتىڭ كوشى-قون ماسەلەلەرى سەكىلدى قۇقىقتىق نورمالارعا تۇزەتۋلەر ەنگىزىلگەن.
قازىرگى ۋاقىتتا پرەزيدەنتتىڭ تاپسىرماسىن ورىنداۋ ءۇشىن دەپۋتاتتار بيۋدجەت، سۋ، قۇرىلىس كودەكستەرى، سونداي-اق ءبىرقاتار ماڭىزدى زاڭ جوبالارى بويىنشا ءبىر مەزەتتە جۇمىس جۇرگىزۋدە.
ەنگىزىلگەن ءاربىر جاڭا وزگەرىستى ساراپشىلار مەن جۇرتشىلىق كەڭ كولەمدە تالقىلايدى، پالاتانىڭ بارلىق ءىس-شاراسىنا بۇقارالىق اقپارات قۇرالدارى مەن مۇددەلى ۇكىمەتتىك ەمەس ۇيىمداردىڭ وكىلدەرى كەدەرگىسىز قاتىسا الادى.
ەرلان قوشانوۆ سونداي-اق «Amanat» پارتياسىنىڭ جۇمىسى تۋرالى مالىمەت بەردى.
ازاماتتاردىڭ ءال-اۋقاتىن ارتتىرۋعا باعىتتالعان پرەزيدەنتتىڭ باستامالارىن ىسكە اسىرۋ شەڭبەرىندە ازىرلەنگەن پارتيانىڭ «اۋىل اماناتى»، «جەر اماناتى»، «قارىزسىز قوعام» جوبالارىنا ەرەكشە نازار اۋدارىلدى.
بارلىق جوبا حالىقتىڭ ناقتى ماسەلەلەرىن شەشۋدى كوزدەيدى جانە ولاردى قوعام قىزۋ قولداپ وتىر.
«جەر اماناتى» جوباسى اياسىندا ەكى جىل ىشىندە 10 ميلليون گەكتاردان استام جەر مەملەكەتكە قايتارىلعان.
قاڭتار-اقپان ايلارىندا «قارىزسىز قوعام» جوباسى بويىنشا 15 مىڭ ادام قارجىلىق ساۋاتتىلىقتى ارتتىرۋ كۋرسىنان وتكەن. جىل سوڭىنا دەيىن تاعى دا 750 مىڭ ازاماتتى وقىتۋ جوسپارلانىپ وتىر.
دەپۋتاتتاردىڭ پارلامەنتتىك ديپلوماتيا باعىتىنداعى قىزمەتى تۋرالى اقپارات بەردى.