الماتىدا الاياقتىق جاساعان ادام ۇستالدى

الماتىدا پوليسيا جۇرگىزۋشى كۋالىگىن الۋعا كومەكتەسەمىن دەپ ازاماتقا جالعان ۋادە بەرگەن كۇدىكتىنى ۇستادى.

الماتى تۇرعىنىنىڭ ايتۋىنشا، بەيتانىس ەر ادام جۇرگىزۋشى كۋالىگىن الۋعا كومەكتەسەمىن دەگەن جەلەۋمەن الاياقتىق جولمەن قاراجاتتى يەمدەنىپ كەتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.

كۇدىكتى ءوز قىزمەتىن 335 مىڭ تەڭگەگە باعالاعانى بەلگىلى بولدى.

«ءبىزدىڭ بولىمشەنىڭ قىزمەتكەرلەرى وسى قىلمىستى جاسادى دەگەن كۇدىكپەن ر.ەسىمدى ازاماتتى ۇستادى، ول ءوز قىلمىسىن تولىق مويىندادى. الاياقتىق دەرەگى بويىنشا قىلمىستىق ءىس تەرگەلىپ جاتىر. كۇدىكتىلەر ۋاقىتشا ۇستاۋ يزولياتورىنا قامالدى. زارداپ شەككەندەردىڭ كوپ بولۋى مۇمكىن ەكەنىن جوققا شىعارمايمىز. وسىعان بايلانىستى باسقا دا ىقتيمال ەپيزودتاردى انىقتاۋ جۇمىستارىن جۇرگىزۋدەمىز»، – دەدى الاتاۋ اۋداندىق پوليسيا باسقارماسىنىڭ باستىعى ەدىلحان بايعارايەۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.