پرەزيدەنت جولداۋىندا ايتىلعان اۋقىمدى ساياسي وزگەرىستەر مەن الەۋمەتتىك-ەكونوميكالىق ءىس-شارالاردى ىسكە اسىرۋ ءۇشىن جالپىۇلتتىق جوسپار ازىرلەندى.
ول نەگىزگى 10 باعىتتان تۇرادى. ءبىرىنشى كەزەكتە اسا ماڭىزدى ساياسي رەفورمالاردى ىسكە اسىرۋ كوزدەلىپ وتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ول ءۇشىن پرەزيدەنتتىڭ وكىلەتتىگى، پارلامەنت سەناتى مەن ءماجىلىسىنىڭ، ءماسليحاتتاردىڭ، اكىمدەردىڭ فۋنكسيالارى مەن ولاردى قۇرۋ ءتارتىبى، ساياسي پارتيا قۇرۋ ماسەلەلەرىنە قاتىستى كونستيتۋسيالىق زاڭدار مەن باسقا دا زاڭدارعا وزگەرىستەر ەنگىزۋ قاجەت. سونداي-اق، ەلىمىزدىڭ اكىمشىلىك-اۋماقتىق قۇرىلىسى وزگەرەدى. داعدارىسقا قارسى شۇعىل شارالار كەشەنى ىسكە اسىرىلادى»، - دەدى ۇكىمەت باسشىسى.
ونىڭ اتاپ وتۋىنشە، ۇسىنىلعان جالپىۇلتتىق ءىس-شارالار جوسپارى جولداۋدا ايتىلعان مىندەتتەرگە تولىق سايكەس كەلەدى جانە بارلىق كەلىسۋ راسىمدەرىنەن ءوتتى.
«سوندىقتان جوسپاردى ورىنداۋعا دەرەۋ كىرىسۋىمىز قاجەت. ونداعى ءاربىر ءىس-شارانىڭ ساپالى جانە ۋاقىتىلى ورىندالۋىنا ءبىرىنشى باسشىلار تىكەلەي جاۋاپتى ەكەنىن باسا ايتقىم كەلەدى. ورىنباسارلارىما جوسپاردىڭ ورىندالۋىن قاتاڭ باقىلاۋعا الۋدى تاپسىرامىن»، - دەدى ءاليحان سمايىلوۆ.