الماتىدا تمد پارلامەنتارالىق اسسامبلەياسىنىڭ مەرەيتويلىق وتىرىسى باستالدى

شارا ۇيىمنىڭ 30 جىلدىق مەرەيتويىنا ارنالدى.

الماتىدا تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ پارلامەنتارالىق اسسامبلەياسى كەڭەسىنىڭ جيىنى باستالدى. اتالمىش شارا ۇيىمنىڭ 30 جىلدىق مەرەيتويىنا ارنالدى، دەپ حابارلايدى Almaty-akshamy.kz. 

سالتاناتتى وتىرىسقا تمد پاا كەڭەسىنىڭ ءتوراعاسى، رف فەدەرالدىق جينالىسى فەدەراسيا كەڭەسىنىڭ ءتوراعاسى ۆالەنتينا ماتۆيەنكو باستاعان تمد پاا قاتىسۋشى ەلدەردىڭ پارلامەنتتىك دەلەگاسيالارىنىڭ باسشىلارى قاتىسۋدا. 

شارا تاريحي جەردە ءوتىپ جاتىر. سەبەبى، 1992 جىلعى 27 ناۋرىزدا ءدال وسى الماتىدا قازاقستان، ارمەنيا، بەلارۋس، قىرعىزستان، رەسەي، تاجىكستان جانە وزبەكستان پارلامەنتتەرىنىڭ ءتوراعالارى تمد پارلامەنتارالىق اسسامبلەياسىن قۇرۋ تۋرالى كەلىسىمگە قول قويدى. كەيىنىرەك ولارعا ءازىربايجان مەن مولدوۆا پارلامەنتشىلەرى قوسىلدى. اسسامبلەيا دوستاستىق پارلامەنتشىلەرىنىڭ ءوزارا ءىس- قيمىل، ساياسي، الەۋمەتتىك- ەكونوميكالىق جانە ورتاق مۇددەنى بىلدىرەتىن باسقا دا ماسەلەلەردى تالقىلايتىن باستى الاڭعا اينالدى. 

اسسامبلەيا - تاۋەلسىز مەملەكەتتەر دوستاستىعىنىڭ مەملەكەتارالىق ورگانى جانە ول قاتىسۋشى مەملەكەتتەردىڭ پارلامەنتتىك دەلەگاسياسىنان قۇرىلعان. 

ۇلگى زاڭدار مەن باسقا دا قۇجاتتاردى ازىرلەۋ - تمد پاا-نىڭ نەگىزگى مىندەتتەرىنىڭ ءبىرى. 

اسسامبلەيا قابىلداعان قۇجاتتار باعىت-باعدار رەتىندە قىزمەت ەتەدى. قازىرگى ۋاقىتتا پارلامەنتارالىق اسسامبلەيا 600-دەن استام ۇلگى قۇجاتتى قابىلدادى. 

سايلاۋ مەن رەفەرەندۋمداردى باقىلاۋ – اسسامبلەيا جۇمىسىنىڭ تاعى ءبىر ماڭىزدى باعىتى. سونىمەن قاتار تمد ەلدەرىندەگى سايلاۋ پروسەستەرىنە مونيتورينگ جۇرگىزەدى.