پرەزيدەنت جوعارعى سوت ءتوراعاسى جاقىپ اسانوۆتى قابىلدادى

قاسىم-جومارت توقايەۆقا سوت جۇيەسىنىڭ قازىرگى دامۋ بارىسى تۋرالى باياندالدى.

جاقىپ اسانوۆ مەملەكەت باسشىسىنا ازاماتتىق داۋلاردى سوتقا جەتكىزبەي شەشۋ ماسەلەسى جونىندە ايتىپ، سوڭعى 3 جىلدا جوعارعى سوتتىڭ وسى باعىتتا جۇزەگە اسىرعان جوبالارى جايلى ايتتى. ونىڭ ايتۋىنشا، بۇرىن ىستەردىڭ تەك 2-3 پايىزى عانا تاتۋلاسۋمەن اياقتالسا، ءقازىر بۇل كورسەتكىش 37 پايىزعا جەتكەن، دەپ حابارلايدى Almaty-akshamy.kz اقورداعا سىلتەمە جاساپ.

جوعارعى سوت ءتوراعاسىنىڭ دەرەكتەرىنە سايكەس 2018 جىلعا دەيىن اۋىر جانە اسا اۋىر قىلمىستار بويىنشا ءبىر جىلدا ورتا ەسەپپەن 23 ادام اقتالسا، سوڭعى 4 جىلدا 160-تان استام ازامات كىناسىز دەپ تانىلعان. ياعني، كورسەتكىش 7 ەسەگە ارتقان.

پرەزيدەنتكە مەملەكەتتىك باسقارۋ جۇيەسىندەگى اكىمشىلىك يۋستيسيا تۋرالى ايتىلدى. جاقىپ اسانوۆتىڭ ايتۋىنشا، بىلتىرعى 1 شىلدەگە دەيىن ازاماتتار مەن كاسىپكەرلەر قارالعان ىستەردىڭ 85 پايىزى بويىنشا مەملەكەتتىك ورگانداردان جەڭىلەتىن. قازىرگى تاڭدا ىستەردىڭ 55 پايىزى كاسىپكەرلەر مەن ازاماتتاردىڭ پايداسىنا شەشىلەدى.

سونىمەن قاتار كەزدەسۋدە سوت كادرلارىنىڭ ساپاسىن جاقسارتۋ، ازاماتتاردىڭ سوتتا قورعالۋىن كۇشەيتۋ، سوت ءىسىن جۇرگىزۋدى وڭتايلاندىرۋ جانە باسقا دا مىندەتتەر تۋرالى ايتىلدى.