مەملەكەت باسشىسىنا وتكەن جارتىجىلدىقتا سوت جۇيەسىنىڭ اتقارعان جۇمىسىنىڭ قورىتىندىلارى تۋرالى مالىمەت بەرىلدى ، دەپ حابارلايدى Almaty-akshamy.kz.
اسلامبەك مەرعالييەۆ قىلمىستىق پروسەستەگى تاراپتاردىڭ جارىسپالىلىعى مەن تەڭ قۇقىلىعى قاعيداتىن جۇزەگە اسىرۋعا، قاماۋعا الۋدىڭ بالامالى جولى رەتىندە بۇلتارتپاۋ شارالارىن قولدانۋ اياسىن كەڭەيتۋگە، سوت ءىسىن جۇرگىزۋدى بيۋروكراتيادان ارىلتۋعا، بىرىزدەندىرۋگە جانە ونىڭ اشىقتىعىن قامتاماسىز ەتۋگە باعىتتالعان زاڭنامالىق باستامالار تۋرالى ايتتى.
سونىمەن قاتار پرەزيدەنتكە يۋۆەنالدى سوتتاردىڭ قۇزىرەتىن كەڭەيتۋ جانە سوت اكتىسىنىڭ كۇشى جويىلعان كەزدە ءىستى ءبىرىنشى ساتىداعى سوتقا قايتارماي، اپەللياسيانىڭ ءتيىستى شەشىم قابىلداۋى تۋرالى پروسەسسۋالدىق نورمالاردى دۇرىس قولدانۋ جونىندە باياندالدى. بۇل جاڭا نورمالار قاعازباستىلىقتى، سۋديانىڭ قاتەلىك جىبەرۋ جاعدايلارىن ازايتىپ، ازاماتتاردىڭ بۇزىلعان قۇقىعىن تەز ارادا قالپىنا كەلتىرۋگە وڭ سەپتىگىن تيگىزۋگە ءتيىس.
مەملەكەت باسشىسى ادام قۇقىقتارىنىڭ سوتتا قورعالۋىن قامتاماسىز ەتۋ قاجەتتىگىنە جانە ءادىل سوت جۇيەسىنە سەنىمدى ارتتىراتىن نەگىزگى فاكتور رەتىندە سوتتاردىڭ تاۋەلسىزدىگىنە ايرىقشا نازار اۋداردى.