جەكە سوت ورىنداۋشىلارىنىڭ قىزمەتىنە تولەنەتىن اقى مولشەرى بەكىتىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ادىلەت ءمينيسترى ازامات ەسقارايەۆ ءتيىستى بۇيرىققا قول قويدى. قۇجاتتا جازىلعانداي، ەندى جەكە سوت ورىنداۋشىلاردىڭ قىزمەتىنە مىنا مولشەردە اقى تولەنەدى:
مۇلىكتىك (اقشالاي) سيپاتتاعى اتقارۋشىلىق قۇجاتتار ءۇشىن مىناداي سومالار بويىنشا:
- 60 اەك-كە دەيىن بولسا – ءوندىرىپ الۋ سوماسىنىڭ 25 پايىزى مولشەرىندە؛
- 60 اەك-تەن 300 اەك-كە دەيىن بولسا – ءوندىرىپ الۋ سوماسىنىڭ 20 پايىزى مولشەرىندە؛
- 300 اەك-تەن 1000 اەك-كە دەيىن بولسا – ءوندىرىپ الۋ سوماسىنىڭ 15 پايىزى مولشەرىندە؛
- 1 000 اەك-تەن 5 000 اەك-كە دەيىن بولسا – ءوندىرىپ الۋ سوماسىنىڭ 10 پايىزى مولشەرىندە؛
- 5 000 اەك-تەن 10 000 اەك-كە دەيىن بولسا – ءوندىرىپ الۋ سوماسىنىڭ 8 پايىزى مولشەرىندە؛
- 10 000 اەك-تەن 20 000 اەك-كە دەيىن بولسا – ءوندىرىپ الۋ سوماسىنىڭ 5 پايىزى مولشەرىندە؛
- 20 000 اەك-تەن جوعارى بولسا – ءوندىرىپ الۋ سوماسىنىڭ 3 پايىزى مولشەرىندە.
مۇلىكتىك ەمەس (اقشالاي ەمەس) سيپاتتاعى اتقارۋشىلىق قۇجاتتار ءۇشىن:
- شىعارۋ جانە ۇيگە ورنالاستىرۋ، بورىشكەردى بەلگىلى ءبىر ارەكەتتەر جاساۋعا نەمەسە ولاردى جاساۋدان تارتىنۋعا مىندەتتەۋ تۋرالى اتقارۋشىلىق قۇجاتتار بويىنشا – جەكە تۇلعالاردان 50 اەك، زاڭدى تۇلعالاردان 100 اەك؛
- تالاپ قويۋدى قامتاماسىز ەتۋ، مۇلىكتى تىيىم سالۋدان بوساتۋ جانە وزگە اتقارۋشىلىق قۇجاتتار بويىنشا – جەكە تۇلعالاردان 10 اەك، زاڭدى تۇلعالاردان 20 اەك؛
- بالامەن قارىم-قاتىناس جاساۋ ءتارتىبى تۋرالى – جەكە تۇلعالاردان ءۇش اي سايىن 20 اەك مولشەرىندە.
مەرزىمدى تولەمدەردى ءوندىرىپ الۋ تۋرالى اتقارۋشىلىق قۇجاتتار ءۇشىن:
- اليمەنتتەردى ءوندىرىپ الۋ جانە جاراقاتتانۋدان نەمەسە دەنساۋلىقتى وزگە دە زاقىمداۋدان كەلتىرىلگەن زياندى وتەۋ تۋرالى، ءوندىرىپ الۋ سوماسىنىڭ 1 اەك مولشەرىندە.
بۇيرىق 10 شىلدەدەن باستاپ كۇشىنە ەنەدى.