كاسىپكەر مال بورداقىلاپ ساتۋمەن اينالىسادى.
مەملەكەت باسشىسى قاراپايىم اۋىل تۇرعىنىنىڭ تۇرمىس-تىرشىلىگىمەن تانىسۋ ءۇشىن جەكە قوسالقى شارۋاشىلىعىن جۇرگىزىپ وتىرعان قوستوبە اۋىلى تۇرعىنىنىڭ ۇيىنە باردى، دەپ حابارلايدى Almaty-akshamy.kz.
اۋىل تۇرعىنى سالامات راحمانبەردييەۆ 2020 جىلى "اۋىل اماناتى" باعدارلاماسى اياسىندا 2،5 پايىزبەن 3،6 ميلليون تەڭگە نەسيە الىپ، 6 باس ءمۇيىزدى ءىرى قارا، 3 باس جىلقى، 10 باس قوي ساتىپ العان. كاسىپكەر مال بورداقىلاپ ساتۋمەن اينالىسادى. ءقازىر ءتول باسىن ارتتىرىپ، تاپقان تابىسىنا جۇك كولىگىن ساتىپ العان. ول ءوز ءناپاقاسىن تابۋمەن قاتار، اۋىلدىڭ ەكى تۇرعىنىن جۇمىسپەن قامتىپ وتىر.
سالامات راحمانبەردييەۆ الداعى ۋاقىتتا جەم ساتاتىن دۇكەن اشىپ، مال باسىن كوبەيتۋ ءۇشىن تاعى دا جەڭىلدىكپەن 10 ميلليون تەڭگە كرەديت الۋعا نيەتتەنىپ وتىرعانىن جەتكىزدى.
مەملەكەت باسشىسى ەڭبەكقور جىگىتتىڭ كاسىبىنە تابىس تىلەپ، ءوز اتىنان ءدانۋاتقىش اپپاراتتى سىيعا تارتتى.