اسەم نۇرعالييەۆا woman in Tech نوميناسياسىندا ۇزدىك اتاندى.
«Digital Almaty: جاڭا شىندىقتاعى سيفرلىق ارىپتەستىك» حالىقارالىق فورۋمى اياسىندا سيفرلاندىرۋ سالاسىندا ۇزدىك جەتىستىكتەرگە جەتكەن جوبا يەلەرى ماراپاتتالدى، دەپ حابارلايدى Almaty-akshamy.kz.
جەڭىمپازداردى ماراپاتتاۋ ءراسىمى ەاەو-عا قاتىسۋشى ەلدەردىڭ ۇكىمەت باسشىلارىنىڭ جالپى وتىرىسى اياسىندا ءوتتى.
فورۋم بارىسىندا EdTech نوميناسياسىنىڭ جەڭىمپازى Daryn پروەكتline جوباسى بولدى. جەڭىمپازعا ماراپاتتى ارمەنيا پرەمەر-مينيسترى نيكول پاشينيان تاپسىردى.
MedTech نوميناسياسى بويىنشا cerebra جوباسى ۇزدىك تانىلدى. جوبانى بەلارۋس پرەمەر-مينيسترى رومان گولوۆچەنكو ماراپاتتادى.
FinTech نوميناسياسىنىڭ جەڭىمپازى Solva بولدى. جەڭىمپازدى قىرعىزستان پرەزيدەنتى اكىمشىلىگىنىڭ باسشىسى اقىلبەك جاپاروۆ ماراپاتتادى.
جىلدىڭ ۇزدىك CDO (Chief Digital Officer) نوميناسياسى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆقا بەرىلدى. ماراپاتتى رەسەي ۇكىمەتىنىڭ ءتوراعاسى ميحايل ميشۋستين تاپسىردى.
Venture capitalist نوميناسياسىنىڭ جەڭىمپازى Most Ventures جوباسى بولدى. جەڭىمپازعا سىيلىقتى ەۋرازيالىق ەكونوميكالىق كوميسسيا القاسىنىڭ ءتوراعاسى ميحايل مياسنيكوۆيچ تابىستادى.
E-Commerce نوميناسياسى بويىنشا Flip.kz ۇزدىك بولدى. جەڭىمپازدى وزبەكستان پرەمەر-مينيسترى ابدۋللا اريپوۆ ماراپاتتادى.
اسەم نۇرعالييەۆا woman in Tech نوميناسياسىندا ۇزدىك اتاندى. جەڭىمپازدى قازاقستان پرەمەر-مينيسترى ءاليحان سمايىلوۆ ماراپاتتادى.
فورۋمدى ۇيىمداستىرۋشىلاردىڭ ايتۋىنشا، Digital Almaty Awards سىيلىعى Digital Almaty حالىقارالى سيفرلىق فورۋمى اياسىندا جىل سايىن، ءداستۇرلى تۇردە بەرىلەتىن ماراپاتقا اينالدى. سىيلىق العاش رەت 2020 جىلى «Digital Almaty: جاھاندىق ەكونوميكانىڭ سيفرلىق بولاشاعى» فورۋمىندا تابىس ەتىلدى.
وندا 10 سيفرلىق جوبا ۇسىنىلدى، ونىڭ 8ء-ى «it-چەمپيوندار» ساناتىنداعى قازاقستاننىڭ ۇزدىك IT-كومپانيالارىنىڭ ونىمدەرى جانە 2 جوبا Astana Hub برەندىمەن ۇسىنىلعان ستارتاپتار بولىپ تابىلادى.