ق ر پرەزيدەنتى قاسىم-جومارت توقايەۆ ەلىمىزدە كريەۆتيۆتى يندۋستريانى قولداۋ قورىن اشۋ مۇمكىندىگى تۋرالى ايتتى، دەپ حابارلايدى almaty-akshamy.kz
«بۇگىندە ەلىمىزدىڭ تاريحي جانە مادەني مۇراسىن ءتيىمدى قولدانۋ ماڭىزدى بولىپ وتىر. بۇل باعىتتا قازاقستاننىڭ ايتارلىقتاي مۇمكىندىگى بار. دەگەنمەن بۇل سالا ساياساتىن قايتا قاراۋ قاجەت-اق. بۇگىنگى تاڭدا مەملەكەت تەك بەلگىلى ءبىر قايراتكەرلەردىڭ جوباسىن قولداپ جانە ول ءۇشىن اۋقىمدى مەملەكەتتىك قاراجات جۇمسالىپ جاتىر. بىزدەگى جاس ارتىستەر، ءانشى، تەاتر جانە ونەر سالاسى قىزمەتكەرلەرى جەكە مەسەناتتاردىڭ ەسەبى ارقىلى عانا تالانتتارىن تانىتىپ ءجۇر. سول ونەر جۇلدىزدارىنىڭ ارقاسىندا قازاقستاننىڭ اتى الەمگە شىعىپ جاتىر. سوندىقتان دا ۇكىمەت سالا ساراپشىلارىمەن بىرلەسە قاراستىرا وتىرىپ، جىل سوڭىنا دەيىن ناقتى ءىس-شارا ۇسىنۋى ءتيىس. ول مادەنيەتىمىزدى جاڭاشا باعىتتا ناسيحاتتاپ، دامىتۋعا ارنالۋى ءتيىس. سول سەكىلدى ەلىمىزدە كرەاتيۆتى يندۋستريانى قولداۋ قورىن اشۋ مۇمكىندىگىن قاراستىرعان ءجون»، - دەدى مەملەكەت باسشىسى.