پرەزيدەنت ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆانى قابىلدادى

پرەزيدەنتكە ەلىمىزدەگى گيدرومەتەورولوگيالىق جاعداي مەن سۋ تاسقىنى كەزەڭىنە دايىندىق بارىسى تۋرالى مالىمەت بەرىلدى

مەملەكەت باسشىسى ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆانى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.

پرەزيدەنتكە ەلىمىزدەگى گيدرومەتەورولوگيالىق جاعداي مەن سۋ تاسقىنى كەزەڭىنە دايىندىق بارىسى تۋرالى مالىمەت بەرىلدى.

مەملەكەت باسشىسىنا سۋ تاسقىنى كەزەڭىندە گيدروتەحنيكالىق نىسانداردىڭ ءقاۋىپسىز پايدالانىلۋىن قامتاماسىز ەتۋ شارالارى جونىندە باياندالدى.

وسى ماقساتتا ۆەدومستۆو اباي جانە شىعىس قازاقستان وبلىستارىندا تەكسەرۋ جۇمىستارىن جۋىق ارادا جۇرگىزۋدى جوسپارلاپ وتىر.

جالپى، رەسپۋبليكا اۋماعىندا بارلىعى 1806 گيدروتەحنيكالىق قۇرىلىس بار.

جىل باسىنداعى جاعداي بويىنشا 1322 گيدروتەحنيكالىق قۇرىلىس عيماراتى تەكسەرىستەن وتكەن، 471 نىسان جوندەۋدى جانە جاڭعىرتۋدى قاجەت ەتەدى.

ءزۇلفيا سۇلەيمەنوۆا بروكونەرلىككە جانە ورمان اعاشىن زاڭسىز كەسۋگە قارسى كۇرەس شارالارى كۇشەيتىلىپ جاتقانىن جەتكىزدى. ونىڭ ايتۋىنشا، قازىرگى تاڭدا مينيسترلىك مەملەكەت باسشىسىنىڭ تاپسىرماسى بويىنشا ەلىمىزدە ورمان شارۋاشىلىعىن دامىتۋ ماسەلەسىن پىسىقتاپ جاتىر.

قاسىم-جومارت توقايەۆ ورتالىق جانە جەرگىلىكتى اتقارۋشى ورگانداردىڭ كوكتەمگى سۋ تاسقىنىنا ازىرلىك جۇمىستارىن بىرلەسە جۇرگىزۋى ماڭىزدى ەكەنىن اتاپ ءوتتى. سونداي-اق بارلىق گيدروتەحنيكالىق قۇرىلىستاردى قۇجاتتاۋ جانە تۇگەندەۋ ءىسىن جىل سوڭىنا دەيىن اياقتاۋ قاجەت ەكەنىن ايتتى.