اlmaty-akshamy.kz سايتىنىڭ بۇگىنگى جاڭالىقتارىنا شولۋ – كۇن كەرۋەنى
توتەنشە جاعدايعا دايىندىقتى بالاباقشادان باستاۋ كەرەك
پرەزيدەنت الماتىداعى ساپارى بارىسىندا سەيسميكالىق قاۋىپسىزدىك جونىندە كەڭەس وتكىزدى.
«اشىعىن ايتۋ كەرەك، الماتىدا بولعان توتەنشە جاعداي كەزىندە ءتيىستى ورگاندار شۇعىل ارەكەت ەتۋگە تولىق دايىن بولعان جوق. ال قالا تۇرعىندارى نە ىستەرىن بىلمەي، ابدىراپ قالدى. دەگەنمەن بۇل جيىننىڭ باستى ماقساتى – سىن ايتۋ ەمەس، ناقتى شەشىمدەر قابىلداۋ. مىسالى، جۇرتتىڭ كوپشىلىگىندە «توتەنشە جاعدايعا قاجەتتى چەمودان» دا جوق بولىپ شىقتى. ءتيىستى وقۋ-ۇيرەتۋ شارالارى مەكتەپتەن، ءتىپتى بالاباقشادان باستالۋى كەرەك. بۇرىن الماتىدا وسىنداي تاجىريبە بولعان. سونى قايتا جاڭعىرتۋ قاجەت. سەبەبى ءقازىر ازاماتتاردى توتەنشە جاعدايعا دايىنداۋ جۇيەسى تالاپقا ساي ەمەس. قۇزىرلى ورگاندار حالىققا جان-جاقتى ءتۇسىندىرۋ جۇمىسىن جۇرگىزۋگە ءتيىس. وقۋ ورىندارىندا، مەملەكەتتىك مەكەمەلەردە تۇراقتى جاتتىعۋ وتكىزىپ تۇرۋ قاجەت. بۇل – وتە ماڭىزدى. وسى جۇمىستى دەرەۋ قولعا الۋ كەرەك»، – دەدى پرەزيدەنت.
تەرروريزمدى ناسيحاتتاعاندار ۇستالدى
ۇلتتىق قاۋىپسىزدىك كوميتەتى استانا، شىمكەنت قالالارىندا جانە اقتوبە وبلىسىندا ءدىني راديكالدار ارەكەتىنىڭ جولىن كەسۋ ءۇشىن وپەراسيا وتكىزدى. جەدەل قىزمەتكەرلەر تەرروريزمدى ناسيحاتتادى جانە قارجىلاندىردى دەگەن كۇدىكپەن ءۇش ادامدى ۇستاپ، قاماۋعا الدى.
حوككەيدەن قولا الدىق
بۇل قازاقستان دەلەگاسياسىنىڭ قورجىنىنا تۇسكەن 3-مەدال. وسىعان دەيىن كانۆوندودا شاڭعىمەن تۇعىردان سەكىرۋدە يليا ميزەرنىح التىننان القا تاقسا، شورت-ترەكشى پولينا ومەلچۋك 1000 مەترگە جارىستا ۇزدىك ۇشتىكتى تۇيىندەدى. ءقازىر قازاقستان جالپى ەسەپتە 1 التىن، 2 قولا مەدالمەن 14-ساتىعا كوتەرىلدى. ازيا قۇرلىعىندا العاش رەت ءوتىپ جاتقان كەشەندى جارىس ءقازىردىڭ وزىندە قازاقستان ءۇشىن تاريحي ناتيجەمەن ەستە قالدى. وسىعان دەيىنگى ويىنداردا وتانداستارىمىز چەمپيون اتانباعان ەدى. جاسوسپىرىمدەر وليمپياداسى 2 اقپاندا مارەسىنە جەتەدى.
جوعالعان ادامنىڭ كوبى الماتىدان
باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ دەرەكتەرى بويىنشا قازىرگى ۋاقىتتا 10 178 ادام ىزدەستىرىلۋدە، ولاردىڭ 2 098 حابار-وشارسىز جوعالعاندار.
جوعالعان ادامداردىڭ كوپ بولىگى الماتى قالاسىندا — 278 ادام، سودان سوڭ قاراعاندى — 217، پاۆلودار — 170، الماتى وبلىستارىندا — 152 ادام تىركەلگەن، دەپ حابارلايدى Almaty-akshamy.kz.
ۇيدەن كەتىپ، ورالماعان — 1 572 ادام، اۆتوكولىكپەن جوعالعان — 73، جۇمىستان كەتكەن — 38 ادام دەرەكسىز.
وتەماقى وتىرىك پە؟
مەسسەندجەرلەر مەن الەۋمەتتىك جەلىلەردە ق ر ەڭبەك جانە حالىقتى الەۋمەتتىك قورعاۋ مينيسترلىگى ققس ءۇشىن وتەماقى ەنگىزگەنى تۋرالى تاراتىلىپ جاتقان اقپارات شىندىققا جاناسپايدى.
«الەۋمەتتىك كومەكتىڭ مۇنداي ءتۇرى جوق ەكەنىن حابارلايمىز. تيىسىنشە، حابارلامادا كورسەتىلگەن سىلتەمە الاياقتار ءۇشىن ازاماتتاردىڭ جەكە دەرەكتەرىن الۋ ءتاسىلى بولۋى مۇمكىن. الاياقتارمەن ءوزارا ارەكەتتەسۋدى بولدىرماۋ ءۇشىن سىلتەمەگە وتپەۋگە كەڭەس بەرەمىز»، — دەپ جازدى ۆەدومستۆودان.
پرەزيدەنت Footlab-قا باردى
«Smart Football» جاۋاپكەرشىلىگى شەكتەۋلى سەرىكتەستىگىنىڭ قۇرىلتايشىسى مۇرات مەدەۋوۆتىڭ ايتۋىنشا، فۋتبول اكادەمياسىندا 5 جاستان 12 جاسقا دەيىنگى 1000-عا جۋىق بالانى جاتتىقتىرۋ جوسپارلانعان.
Footlab – سپورتسۇيەر قاۋىمعا، وتباسىلىق دەمالىسقا، بالالار مەن ەرەسەكتەر اراسىندا تۋرنيرلەر وتكىزۋگە ارنالعان ينتەراكتيۆتى فۋتبول الاڭى.
ساقتاندىرساڭ – ساقتايدى!
جەر سىلكىنىسىنەن كەيىن جىلجىمايتىن مۇلكىن ساقتاندىرۋشىلار كۇرت كوبەيدى. تابيعي اپاتتان كەيىن باسپانا بۇلىنسە كومپانيا شىعىندى تولىق وتەپ بەرەدى.
زاڭگەردىڭ ايتۋىنشا، ەگەر ازامات ارنايى ساراپتاما جاساۋ ارقىلى كەلتىرىلگەن شىعىن ونىڭ عيماراتىنا ساپاسىز قۇرىلىستىڭ سالدارىنان بولعانىن دالەلدەسە، ول سوتقا جۇگىنۋ ارقىلى ءوزىنىڭ شىعىنىن تولىق وتەپ الۋعا قۇقىسى بار.
ساقتاندىرۋ اقىسى، ياعني پاتەرلەر مەن تۇرعىن ۇيلەردىڭ وزىندىك قۇنىنان 0،1 پايىزىنان باستالادى.
جەر اناڭ تاعى سىلكىندى!
ق ر توتەنشە جاعدايلار مينيسترلىگىنىڭ سەيسمولوگيا ينستيتۋتى 25 قاڭتاردا جۇڭگو اۋماعىندا بولعان بىرنەشە جەر سىلكىنىسىن تىركەدى. الماتى ۋاقىتىمەن 10 ساعات 21 مينۋت 57 سەكۋندتا تىركەلگەن ءبىرىنشى جەر سىلكىنىسىنىڭ وشاعى الماتىدان وڭتۇستىك-شىعىسقا قاراي 282 شاقىرىم جەردە جۇڭگو اۋماعىندا ورنالاسقان.
جەر سىلكىنىسىنىڭ ەنەرگەتيكالىق كلاسى – 10،0. MPV ماگنيتۋداسى — 4.3. قازاقستان اۋماعىندا سەزىلگەن جوق.
الماتى ۋاقىتىمەن 10 ساعات 29 مينۋت 52 سەكۋندتا تىركەلگەن ەكىنشى جەر سىلكىنىسىنىڭ وشاعى الماتىدان وڭتۇستىك-شىعىسقا قاراي 273 شاقىرىم جەردە جۇڭگو اۋماعىندا ورنالاسقان.
جەر سىلكىنىسىنىڭ ەنەرگەتيكالىق كلاسى – 9،6. MPV ماگنيتۋداسى — 4.5. قازاقستان اۋماعىندا سەزىلگەن جوق.
الماتى ۋاقىتىمەن 10 ساعات 54 مينۋت 54 سەكۋندتا تىركەلگەن ءۇشىنشى جەر سىلكىنىسىنىڭ وشاعى الماتىدان وڭتۇستىك-شىعىسقا قاراي 259 شاقىرىم جەردە جۇڭگو اۋماعىندا ورنالاسقان.
جەر سىلكىنىسىنىڭ ەنەرگەتيكالىق كلاسى — 10.2. MPV ماگنيتۋداسى — 4.6. قازاقستان اۋماعىندا سەزىلگەن جوق.
الماتى ۋاقىتىمەن 10 ساعات 59 مينۋت 21 سەكۋندتا تىركەلگەن ءتورتىنشى جەر سىلكىنىسىنىڭ وشاعى الماتىدان وڭتۇستىك-شىعىسقا قاراي 258 شاقىرىم جەردە جۇڭگو اۋماعىندا ورنالاسقان.
جەر سىلكىنىسىنىڭ ەنەرگەتيكالىق كلاسى – 11،5. MPV ماگنيتۋداسى — 5.2. قازاقستان اۋماعىندا سەزىلگەن جوق.
توقايەۆ الماتىداعى سۋمەن قامتۋ نىساندارىنىڭ قۇرىلىسىمەن تانىستى
پرەزيدەنتكە «كاپتاج»، «باستاۋ» توعاندارىنان جانە «مەدەۋ» سۇزگى ستانسياسىنان كەلەتىن سۋدىڭ وسى رەزەرۆۋارلاردا جيناقتالىپ، زارارسىزداندىرىلاتىنى جونىندە مالىمەت بەرىلدى.
تازالانعان اۋىزسۋ ارنايى ورناتىلعان سورعىلاردىڭ كومەگىمەن كامەنسكوە پلاتو، كولساي، يۋبيلەينىي جانە مۇزتاۋ ىقشاماۋداندارىنىڭ ماگيسترالدى جەلىلەرى ارقىلى تاراتىلادى.
پرەزيدەنتتىك ادەبي سىيلىق تابىستالدى
الماتىدا مادەنيەت جانە اقپارات ءمينيسترى ايدا بالايەۆا جاس جازۋشىلار مەن اقىندارعا پرەزيدەنتتىك ارناۋلى ادەبي سىيلىق تابىس ەتتى.
«پروزا» نوميناسياسى بويىنشا جىلقىباي دوسحاننىڭ «كۆانت» تۋىندىسى، «پوەزيا» نوميناسياسى بويىنشا ەدىلبەك دۇيسەنوۆتىڭ «قالالىق قۇستار» ولەڭدەر توپتاماسى، «دراماتۋرگيا» نوميناسياسى بويىنشا ايتولكىن اشيموۆانىڭ «تاۋ كوتەرگەن تولاعاي» درامالىق تۋىندىسى، «بالالار ادەبيەتى» نوميناسياسى بويىنشا ولجاس قاسىمنىڭ «اتىڭ وزسىن، ازامات!» توپتاماسى جۇلدەلى ورىنعا يە بولدى.