شاعىن جانە ورتا بيزنەس قالادا جۇمىسپەن قامتۋدىڭ 85%-دان استامىن قامتاماسىز ەتەتىن الماتى ەكونوميكاسىن دامىتۋدىڭ درايۆەرى بولىپ تابىلادى. 2023 جىلى جالپى نەسيە سوماسى 170 ملرد.تەڭگەگە 2،1 مىڭنان استام جوبا قارجىلاندىرىلدى، دەپ حابارلايدى almaty-akshamy.kz
كاسىپكەرلىكتى دامىتۋ جونىندەگى ۇلتتىق جوبا اياسىندا سۋبسيديالاۋ جانە كەپىلدىك بەرۋ قۇرالدارى ارقىلى 158،4 ملرد.تەڭگە كرەديت سوماسىنا 1 876 جوبا قارجىلاندىرىلدى.
«الماتى بيزنەس–2025» وڭىرلىك باعدارلاماسى بويىنشا 899 جۇمىس ورنىن قۇرۋمەن 153 جوبا قارجىلاندىرىلدى.
«دامۋ» قورىمەن بىرلەسىپ «Almaty Business» وڭىرلىك باعدارلاماسى اياسىندا سىياقى مولشەرلەمەسى – 6%، نەسيە سوماسى – 100 ملن.تەڭگەگە دەيىن (شاعىن ءوندىرىس پاركتەرى ءۇشىن – 500 ملن. تەڭگە، نەسيە بەرۋ مەرزىمى-7 جىلعا دەيىن) «Jana Business» قوسالقى ءونىمى قۇرىلدى. بارلىعى 5 ملرد. تەڭگە سوماسىنا 71 جوبا قولداۋ تاپتى.
ساۋدا وپەراسيالارىنىڭ تيىمدىلىگىن ارتتىرۋ ماقساتىندا «Japa Business» باعدارلاماسىندا جىلدىق 8،5% مولشەرلەمە بويىنشا فاكتورينگتىك مامىلەلەردى قارجىلاندىرۋ مۇمكىندىگى كوزدەلەدى. قۇرالدى ىسكە اسىرۋ ماقساتىندا 2023 جىلى 3 ملرد.تەڭگە (جەرگىلىكتى بيۋدجەتتەن 1 ملرد. تەڭگە، دامۋ قاراجاتى – 2 ملرد. تەڭگە) ءبولىندى.
2023 جىلى «Almaty Business Development Company» كومپانياسى «ءبىر تەرەزە» قاعيداتى بويىنشا 58 مىڭعا جۋىق كونسۋلتاسيالىق قىزمەت كورسەتتى، ونىڭ ىشىندە 503 رۇقسات قۇجاتتارىن الۋعا جاردەمدەستى.
2024 جىلى الماتى قالاسىندا بيزنەستى دامىتۋدىڭ وڭىرلىك جانە مەملەكەتتىك شارالارى ەسەبىنەن شوب سۋبەكتىلەرىنىڭ 3 مىڭعا جۋىق جوبانى قولداۋ جوسپارلانۋدا.
