قازاقستان رەسپۋبليكاسىنىڭ ەڭبەك سىڭىرگەن ءارتىسى، اكتريسا، كومپوزيتور داريعا تىلەندييەۆا كەشە 79 جاسقا قاراعان شاعىندا كوز جۇمدى.
قازاعا بايلانىستى مەملەكەت باسشىسى كوڭىل ايتتى، دەپ حابارلايدى aqshamnews.kz.
— پرەزيدەنت قاسىم-جومارت توقايەۆ ايگىلى كومپوزيتور، «وتىرار سازى» ۇلت اسپاپتارى اكادەميالىق وركەسترىنىڭ نەگىزىن قالاۋشى نۇرعيسا تىلەندييەۆتىڭ جارى، بەلگىلى مادەنيەت قايراتكەرى داريعا تىلەندييەۆانىڭ دۇنيەدەن وتۋىنە بايلانىستى تۋعان-تۋىستارى مەن جاقىندارىنىڭ قايعىسىنا ورتاقتاسىپ، كوڭىل ايتتى، — دەلىنگەن اقوردانىڭ باسپا ءسوز قىزمەتى تاراتقان اقپاراتتا.