مەملەكەت باسشىسى جاساندى ينتەللەكت پەن IT سالاسىنداعى ادامي كاپيتالدى دامىتۋ ەلىمىز ءۇشىن ستراتەگيالىق ماڭىزى بار ماسەلە ەكەنىن اتاپ ءوتتى.
مەملەكەت باسشىسى قاسىم-جومارت توقايەۆ «Digital Bridge» حالىقارالىق تەحنولوگيالىق فورۋمى اياسىندا حالىقارالىق IT كومپانيالاردىڭ باسشىلارىمەن ءبىرقاتار كەزدەسۋ وتكىزدى،دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
قاسىم-جومارت توقايەۆ پەن Samsung Electronics كومپانياسىنىڭ كورپوراتيۆتى پرەزيدەنتى ين يونگ ري IT مامانداردى دايارلاۋ، بىرلەسكەن عىلىمي-زەرتتەۋ جۇمىستارىن جۇرگىزۋ جانە عىلىم سالاسىندا ىنتىماقتاستىق ورناتۋ مۇمكىندىكتەرىن قاراستىردى.
ارسەن تومسكيي مەملەكەت باسشىسىنا قازاقستانداعى كولىك قىزمەتى سالاسىنداعى ەڭ تانىمال ءموبيلدى قوسىمشالاردىڭ ءبىرى ءىnDriverء-دىڭ قىزمەتىن دامىتۋدىڭ پەرسپەكتيۆالارى تۋرالى ايتتى. كومپانيا باسشىسىنىڭ ايتۋىنشا، استانا مەن الماتىدا ەكى كەڭسە اشىلعان. سونىمەن قاتار inDriver Astana Hub رەزيدەنتى اتاندى. ارسەن تومسكيي Spark سيفرلىق ۋنيۆەرسيتەتىن قۇرۋ جانە جاستاردى قولداۋعا باعىتتالعان ءبىرقاتار كوممەرسيالىق ەمەس جوبانى جۇزەگە اسىرۋ جوسپارلارىن جەتكىزدى.
G42 كومپانياسىنىڭ ديرەكتورى مانسۋر يبراگيم ال-مانسۋريمەن كەزدەسۋدە اقپاراتتىق تەحنولوگيالار مەن سيفرلىق قاۋىپسىزدىك سالاسىنداعى ىنتىماقتاستىقتى كەڭەيتۋگە باسا نازار اۋدارىلدى. قاسىم-جومارت توقايەۆ G42 جاساندى ينتەللەكت، cloud ينفراقۇرىلىمى جانە Big Data سالالارىندا بىرلەسكەن جوبالاردى جۇزەگە اسىرۋ جوسپارلارى تۋرالى مالىمەتتەر الدى. مەملەكەت باسشىسى جاساندى ينتەللەكت پەن IT سالاسىنداعى ادامي كاپيتالدى دامىتۋ ەلىمىز ءۇشىن ستراتەگيالىق ماڭىزى بار ماسەلە ەكەنىن اتاپ ءوتتى.
Bharti Enterprises جانە OneWeb قۇرىلتايشىسى ءارى ءتوراعاسى سۋنيل بارتي ميتتالمەن كەزدەسۋدە شالعاي ەلدى مەكەندەردى ينتەرنەتپەن قامتۋ ءۇشىن تومەن وربيتالى سپۋتنيكتەردى جانە جەرۇستى ستانسيالار جەلىسىن پايدالانۋ ماسەلەلەرى تالقىلاندى.