ۇستالعان تاراز قالاسىنىڭ 31 جاستاعى تۇرعىنى.
الماتى پوليسياسى قالتا ۇرلىعىمەن اينالىسقان تارازدىقتى ۇستادى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇعان دەيىن بىرنەشە رەت سوتتالعان ك. ەسىمدى ازامات قالانىڭ المالى اۋدانىنداعى ايالدامادا قالتا ۇرلىعىن جاساعان جەرىنەن ۇستالدى. قىزدىڭ قالتاسىنان Samsung تەلەفونىن شىعارىپ العان. ۇستالعان ازامات ۋاقىتشا ۇستاۋ يزولياتورىنا قامالدى. جابىرلەنۋشىنىڭ ارىزى نەگىزىندە المالى اۋداندىق پب-عا قاراستى پوليسيا بولىمىندە قىلمىستىق ءىس تىركەلدى. قازىرگى ۋاقىتتا تەرگەۋشىلەر كۇدىكتىنىڭ الماتىنىڭ باسقا دا اۋداندارىندا وسىعان ۇقساس قىلمىستارعا قاتىسى بار-جوعىن تەكسەرۋدە. جەدەل دەرەكتەرگە سايكەس، ك. ەسىمدى ازامات شاھارعا كەزەڭمەن كەلىپ كەتىپ جۇرگەن: قىلمىس جاساعاننان كەيىن، ادەتتە، ۇيىنە كەتىپ قالاتىن. ءبىز كۇدىكتىنىڭ سىبايلاستارىن مىندەتتى تۇردە انىقتايمىز»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.