بەلگىلى جۋرناليست باتىر قازىبايەۆ باقيلىق بولدى
مەملەكەت باسشىسى قاسىم-جومارت توقايەۆ بەلگىلى جۋرناليست باتىر قازىبايەۆتىڭ تۋىستارى مەن جاقىندارىنا كوڭىل ايتتى، دەپ حابارلايدى Almaty-akshamy.kz
پرەزيدەنت قاسىم-جومارت توقايەۆ بەلگىلى جۋرناليست، مەديامەنەدجەر باتىر قازىبايەۆتىڭ دۇنيەدەن وتۋىنە بايلانىستى ونىڭ اناسى، تانىمال قالامگەر، ۇستاز ورىنشا قاراباليناعا كوڭىل ايتۋ جەدەلحاتىن جولدادى.
«ارداقتى ۇلىڭىز باتىر كاكىمجان ۇلى اقپارات سالاسىندا تابىستى قىزمەت ەتىپ، ءىرى مەدياجوبالاردى جۇزەگە اسىردى. وتاندىق اقپاراتتىق پورتالدار، راديو مەن تەلەارنالاردىڭ نەگىزىن قالاپ، ەلىمىزدىڭ جۋرناليستيكا سالاسىنىڭ دامۋىنا ولشەۋسىز ۇلەس قوستى. ءوزىنىڭ تابيعي قاراپايىمدىلىعىمەن، ۇشقىر ويلارىمەن جانە ىسكەرلىگىمەن ەلگە سىيلى بولدى. ومىردە ادال ەڭبەك ەتىپ، ءوز ءىسىنىڭ بىلگىر مامانى رەتىندە سوڭىنا وشپەس ءىز قالدىرعان باتىر كاكىمجان ۇلىنىڭ جارقىن بەينەسى ۇمىتىلمايدى»، - دەلىنگەن پرەزيدەنتتىڭ جەدەلحاتىندا.