مەملەكەت باسشىسى كەڭ كولەمدەگى سۇحباتىندا نەسيەگە بەلشەدەن باتقان بۇقارانىڭ بازىناسىنا دا توقتالدى، دەپ حابارلايدى Almaty-akshamy.kz.
بۇل ماسەلە جۇرتتىڭ الەۋمەتتىك جاعدايىنا جانە ەلىمىزدەگى قارجى جۇيەسىنىڭ تۇراقتىلىعىنا تىكەلەي اسەر ەتەدى – دەدى ول. پرەزيدەنت، بىرىنشىدەن، حالىقتىڭ قارجىلىق ساۋاتىن ارتتىرۋ، ەكىنشىدەن، تۇتىنۋ نەسيەسىن بەرۋ ءتارتىبى مەن كوللەكتورلىق ۇيىمدار قىزمەتىن قاتاڭ رەتتەۋ كەرەگىن ايتتى.
بورىشكەرلەر قۇقىعىن قورعاۋ ءۇشىن نەسيە بەرۋ تۋرالى زاڭناماعا ەنگىزىلەتىن تۇزەتۋلەر ازىرلەندى. بۇل وزگەرىستەر بانكتەرگە، ميكروكرەديت ۇيىمدارىنا جانە كوللەكتور اگەنتتىكتەرىنە تالاپتى ودان ءارى كۇشەيتە تۇسەدى.
«بانك ومبۋدسمەنىنىڭ وكىلەتتىگى دە كەڭەيتىلەدى. ءقازىر بۇل قۇجاتتى ءماجىلىس دەپۋتاتتارى قاراپ جاتىر. مەن بۇل باستامانى قولداۋعا دايىنمىن»، – دەدى پرەزيدەنت.