جاپونيانىڭ ورتالىعىندا بولىپ جاتقان ءزىلزالا قۇرباندارىنىڭ سانى 65 ادامعا جەتتى.
وعان وڭىرلىك بيلىك وكىلدەرى جاريالاعان دەرەكتەر دالەل بولىپ وتىر.، دەپ حابارلايدى اlmaty-akshamy.kz تاسس-قا سىلتەمە جاساپ.
100-دەن استام ادام ءتۇرلى جاراقات العان.
قازا تاپقاندار مەن جارالانعانداردىڭ كوبى –توقتاماي جاتقان جەر سىلكىنىسى ورتالىعىنا اينالعان يسيكاۆا پرەفەكتۋراسى تۇرعىندارى.
ونداعان ءزىلزالا سالدارىنان ءورت تۇتانىپ، 200-دەن استام تۇرعىن ءۇي كۇلگە اينالدى، 100-دەن استام نىساندى جەراستى ءدۇمپۋى قيراتتى.
قۇتقارۋشىلار، جەدەل قىزمەت وكىلدەرى مەن ەلدىڭ قورعانىس كۇشى اسكەرى ۇيىندىلەردى جيناپ، ادامداردى ىزدەپ جاتىر.
بۇگىن تاڭنان بەرى زارداپ شەككەن اۋدانداردا جاڭبىر توقتاماي تۇر.
جۋرناليستەرگە جاپونيا مينيسترلەر كابينەتىنىڭ باس حاتشىسى ءوسيماسا ءحاياسيدىڭ حابارلاۋىنشا، قازىرگى ۋاقىتتا ەۆاكۋاسيالىق ورتالىقتاردا 32،5 مىڭعا جۋىق ادام بار.
جەر سىلكىنىسى باستالعاننان كەيىنگى ءبىرىنشى كۇندەرى جاپونيانىڭ ورتالىق جانە باتىستاعى بولىگىنىڭ 60 مىڭنان استام تۇرعىنى ءۇيىن تاستاپ كەتۋگە ءماجبۇر بولدى.
33 مىڭنان استام ءۇي جارىقسىز وتىر، زارداپ شەككەن اۋدانداردا ينتەرنەت پەن ءموبيلدى بايلانىس ناشارلاعان. كەي اۋىلداردا سۋمەن جابدىقتاۋ ماسەلەلەرى تۋىندادى.