ەلوردادا استانا حالىقارالىق فورۋمى ءوتىپ جاتىر.
ونىڭ بارىسىندا قازاقستان پرەزيدەنتى قاسىم-جومارت توقايەۆ ءسوز سويلەدى، دەپ حابارلايدى Almaty-akshamy.kz.
«استانا حالىقارالىق فورۋمىنا قوش كەلدىڭىزدەر! مۇندا بارلىق قۇرلىقتان دوستارىمىز بەن ارىپتەستەرىمىز، سونداي-اق ۇكىمەتتەردىڭ، ديپلوماتيا، بيزنەس جانە عىلىمي توپتاردىڭ وكىلدەرى جينالىپ وتىر»، دەدى مەملەكەت باسشىسى.
سونداي-اق پرەزيدەنت اسا ءقادىرلى قوناقتارىمىز – قاتار امىرىنە، قىرعىزستان پرەزيدەنتىنە، بوسنيا جانە گەرسەگوۆينا پرەزيديۋمىنىڭ ءتوراعاسىنا، وزبەكستان پرەمەر-مينيسترىنە جانە فورۋمنىڭ باسقا دا قۇرمەتتى قاتىسۋشىلارىنا شىنايى ريزاشىلىعىن ءبىلدىردى.
«سىزدەردىڭ وسى جيىنعا ارنايى كەلۋگە شەشىم قابىلداپ، فورۋم جۇمىسىنا قاتىسقاندارىڭىز – ءبىز ءۇشىن ۇلكەن مارتەبە. جيىن بارىسىندا جاھاندىق ەكونوميكالىق جانە ايماقتىق ىنتىماقتاستىق ماسەلەلەرىنىڭ قازىرگى جاي-كۇيى جونىندە تابىستى پىكىر الماسامىز دەپ سەنەمىز»، دەپ نيەتىن ءبىلدىردى ق.توقايەۆ.