مەملەكەت باسشىسى استانا حالىقارالىق فورۋمىنىڭ پلەنارلىق وتىرىسىندا ءسوز سويلەيدى
«ديالوگ ارقىلى سىن-قاتەرلەردى ەڭسەرۋ: ىنتىماقتاستىق، وركەندەۋ جانە پروگرەسس جولىندا» اتتى فورۋمعا قاتىسۋشىلار كليماتتىڭ وزگەرۋى، ازىق-تۇلىك تاپشىلىعى، ەنەرگەتيكالىق قاۋىپسىزدىك جانە باسقا دا ماسەلەلەردى تالقىلايدى.
مارتەبەلى قوناقتاردىڭ قاتارىندا قاتار ءامىرى شەيح ءتاميم بەن حاماد ءال ءتاني، قىرعىزستان پرەزيدەنتى سادىر جاپاروۆ، بوسنيا جانە گەرسەگوۆينا پرەزيديۋمىنىڭ ءتوراعاسى جەلكا سۆيانوۆيچ، حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگييەۆا، يۋنەسكو باس ديرەكتورى ودرە ازۋلە، بۇۇ باس حاتشىسىنىڭ ورىنباسارى، ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ (ەسكاتو) اتقارۋشى حاتشىسى ارميدا اليسدجابانا، وزبەكستان پرەمەر-مينيسترى ابدۋللا اريپوۆ جانە تاعى باسقالارى بار. سونىمەن قاتار پرەزيدەنت قاسىم-جومارت توقايەۆ فورۋم اياسىندا ءبىرقاتار ەكىجاقتى كەزدەسۋ وتكىزەدى.