ەكونوميكادا ارتىق اقشا ماسساسى قالىپتاستى. ق ر پرەزيدەنتى قاسىم-جومارت توقايەۆ قازاقستان حالقىنا كەزەكتى جولداۋىندا وسى تەندەنسيانى رەتتەۋدىڭ جولدارىن اتادى، دەپ حابارلايدى almaty-akshamy.kz
«جالپى كولەمى 6،3 ترلن تەڭگەنى قۇراعان داعدارىسقا قارسى شارالاردىڭ ناتيجەسىندە ەكونوميكادا شەكتەن تىس اقشا ماسساسى قالىپتاستى. ءبىراق وسى قارجى جەتپەي جاتقان سالالار بار. ەكىنشى دەڭگەيلى بانكتەر شاعىن شارالارعا، اسىرەسە، اۋىلدارعا اقشا سالمايدى. سوندىقتان ميكروقارجىلىق ۇيىمداردىڭ الەۋەتىن ىسكە قوسۋ قاجەت. ولار جەرگىلىكتى ورىنداردا جۇمىس ىستەپ جۇرگەندىكتەن، ونداعى كليەنتتەردى، ولاردىڭ بيزنەسىن، مۇمكىندىكتەرىن جاقسى بىلەدى. ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى وسى ماسەلە بويىنشا شەشىمدەر پاكەتىن دايىنداۋى ءتيىس»، - دەدى مەملەكەت باسشىسى.
سونداي-اق، ول ۇلتتىق قوردىڭ اكتيۆتەرىن قالپىنا كەلتىرۋ ءۇشىن بيۋدجەتتىك ەرەجەگە كوشۋدى جەدەلدەتۋدى تاپسىردى.
«سوڭعى كەزدە مەملەكەتتىك شىعىس مىندەتتەمەلەرىن جابۋ ءۇشىن بيۋدجەت تاپشىلىعى مەن ۇلتتىق قوردان الىناتىن ترانسفەرتتىڭ ارتۋ تەندەنسياسى بايقالۋدا. ۇنەمى مۇنداي جەڭىل جولمەن ءجۇرۋ مۇمكىن ەمەس. قارجىلىق تۇراقتىلىق قورى شەكسىز ەمەس. بيۋدجەتتىڭ كىرىسىن ارتتىرۋ بويىنشا شارالار قاجەت ەكەنى انىق. ءبىراق ءبىرىنشى كەزەكتە مەملەكەتتىك شىعىنداردىڭ كولەمى مەن تيىمدىلىگىنە باقىلاۋ كەرەك. ۇلتتىق قور اكتيۆتەرىن قالپىنا كەلتىرۋ ءۇشىن بيۋدجەتتىك ەرەجەنى ەنگىزۋدى جەدەلدەتۋ كەرەك. ءتيىستى زاڭنامالىق تۇزەتۋلەر جىلدىڭ سوڭىنا دەيىن قابىلدانۋى قاجەت»، - دەدى پرەزيدەنت.