مەملەكەت باسشىسى Sinovation Venture جاساندى ينتەللەكت ينستيتۋتىنىڭ پرەزيدەنتى، دوكتور لي كاي-فۋمەن كەزدەسۋدە وزىق تەحنولوگيالاردى ەنگىزۋدىڭ ستراتەگيالىق ماڭىزىن اتاپ ءوتتى. سونداي-اق الەمدەگى جەتەكشى ساراپشىلارمەن تاجىريبە الماسۋ سيفرلىق ترانسفورماسياداعى ءورشىل ماقساتتارعا قول جەتكىزۋگە ىقپال ەتەتىنىن ايتتى، دەپ حابارلايدى aqshamnews.kz
قاسىم-جومارت توقايەۆ پەن لي كاي-فۋ جاساندى ينتەللەكتتى ءبىلىم، دەنساۋلىق ساقتاۋ، ەنەرگەتيكا جانە قوعامداعى باسقا دا ءتۇرلى سالالاردا پايدالانۋ بويىنشا پىكىر الماستى. 
جۇڭگو مەن اقش ەلدەرىندە جاساندى ينتەللەكت سالاسىن دامىتۋدا جانە باعدارلامالىق ونىمدەر ازىرلەۋدە باي تاجىريبەسى بار لي كاي-فۋ قازاقستاننىڭ IT باستامالاردى ەنگىزۋ، باسەكەگە قابىلەتتى تەحنولوگيالىق ەكوجۇيە قۇرۋ ىسىندەگى الەۋەتىن جوعارى باعالادى.