بەينەروليكتەر الماتى ايالدامالارىندا كورسەتىلىپ جاتىر.
ءتارتىپ ساقشىلارى قوعامدى ەسىرتكى قىلمىسىمەن بىرلەسىپ كۇرەسۋگە شاقىرادى، دەپ حابارلايدى aqshamnews.kz Polisia.kz-كە سىلتەمە جاساپ.
وسى ماقساتتا قالا اكىمدىگىنىڭ قولداۋىمەن الماتىداعى 42 ايالدامادا پوليسيانىڭ سەنىم تەلەفوندارى بار تاقىرىپتىق اقپاراتتىق بەينەروليكتەر كورسەتىلىپ جاتىر. الەۋمەتتىك ءونىم ازاماتتاردىڭ نازارىن قازىرگى زاماننىڭ قاسىرەتىنە جانە ەسىرتكىنى قولدانۋدان بولاتىن زارداپتارعا اۋدارۋ ماقساتىندا جاسالدى.
«ەسىرتكى تاراتۋ تۋرالى اقپاراتتى بايقاعان كەز كەلگەن ادام كورسەتىلگەن تەلەفون نومىرلەرى بويىنشا بىزگە قوڭىراۋ شالا الادى جانە بۇنى ءانونيمدى تۇردە جاساۋعا دا بولادى. قۇپيالىلىققا مەملەكەت كەپىلدىك بەرەدى. قوعامىمىزدى وسى ەسىرتكىدەن ارىلتىپ، بالالارىمىزدى قورعايمىز دەسەك، بىرلەسە ارەكەت ەتۋىمىز كەرەك. وسى ماقساتتا ءبىز ادامداردى، ەسىرتكى قىلمىسىنىڭ كۋاگەرى بولعان نەمەسە ءتيىستى اقپاراتى بار كەز كەلگەن ازامات تاۋلىك بويى حابارلاسا الاتىن سەنىم تەلەفوندارى تۋرالى حاباردار ەتەمىز»، – دەيدى الماتى قالاسى پد ەسىرتكى بيزنەسىنە قارسى كۇرەس باسقارماسىنىڭ اسا ماڭىزدى ىستەر جونىندەگى اعا جەدەل ۋاكىلى داۋرەن كوبەيەۆ.