مەملەكەت باسشىسى قاسىم-جومارت توقايەۆ قازاقستان رەسپۋبليكاسى پرەزيدەنتى اكىمشىلىگىنىڭ قۇرىلىمىن قايتا قۇرۋ تۋرالى جارلىققا قول قويدى، دەپ حابارلايدى Almaty-akshamy.kz.
اقوردانىڭ باسپا ءسوز قىزمەتىنىڭ مالىمەتىنشە، وسى قۇجاتقا سايكەس پرەزيدەنت اكىمشىلىگىنىڭ جاڭارتىلعان قۇرىلىمىنا كەلەسى لاۋازىم يەلەرى كىرەدى:
- پرەزيدەنت اكىمشىلىگىنىڭ باسشىسى؛
- قاۋىپسىزدىك كەڭەسىنىڭ حاتشىسى؛
- پرەزيدەنت كەڭسەسىنىڭ باستىعى؛
- پرەزيدەنتتىڭ كومەكشىلەرى؛
- پرەزيدەنتتىڭ كەڭەسشىلەرى؛
- پرەزيدەنت اكىمشىلىگىنىڭ بولىمدەرى.
جارلىققا سايكەس:
- ىشكى ساياسات جانە كوممۋنيكاسيالار ماسەلەلەرى بويىنشا؛
- ەكونوميكالىق ماسەلەلەر بويىنشا؛
- حالىقارالىق ماسەلەلەر بويىنشا؛
- قۇقىقتىق ماسەلەلەر بويىنشا؛
- عىلىم جانە يننوۆاسيا ماسەلەلەرى بويىنشا پرەزيدەنتتىڭ كومەكشىلەرى لاۋازىمدارى ەنگىزىلەدى.
پرەزيدەنت اكىمشىلىگى باسشىسىنىڭ ورىنباسارلارى لاۋازىمدارى جويىلادى. سونداي-اق پرەزيدەنت اكىمشىلىگىنىڭ ءتورت ءبولىمى قىسقاردى.