پرەزيدەنت «الەۋمەتتىك مەديسينالىق ساقتاندىرۋ قورى» كەاق باسقارما ءتوراعاسى ءابىلقايىر سقاقوۆتى قابىلدادى
ءابىلقايىر سقاقوۆ الەۋمەتتىك مەديسينالىق ساقتاندىرۋ جۇيەسىنىڭ جىل باسىنان بەرى جانە جالپى ءمامس قولعا الىنعان ۋاقىت ىشىندە اتقارىلعان جۇمىستاردىڭ قورىتىندىسى تۋرالى ەسەپ بەردى. سونان كەيىن، الەۋمەتتىك مەديسينالىق ساقتاندىرۋ جۇيەسىن ەنگىزۋ ناتيجەسىندە دەنساۋلىق ساقتاۋ سالاسىنا بولىنەتىن قارجى 2،5 ەسە، ال ءبىر تۇرعىننىڭ دەنساۋلىعىنا جۇمسالاتىن شىعىن ەكى ەسە وسكەنى جونىندە باياندادى. ازاماتتارعا ارنالعان مەديسينالىق كومەكتىڭ قولجەتىمدىلىگىن جاقسارتۋ جايىندا ءسوز ەتتى. سونىمەن قاتار، ءمامس جۇيەسىنىڭ تيىمدىلىگىن ارتتىرۋعا قاتىستى پرەزيدەنت تاپسىرمالارىنىڭ ورىندالۋ بارىسى تۋرالى اقپارات بەردى. اتاپ ايتقاندا، الەۋمەتتىك مەديسينالىق ساقتاندىرۋ جۇيەسىنىڭ اۋقىمىن كەڭەيتۋگە، قوردىڭ قارجىلىق تۇرعىدان تۇراقتىلىعىن قامتاماسىز ەتۋگە جانە مامس-كە قاتىستى بارلىق پروسەستى جەدەل سيفرلاندىرۋعا باعىتتالعان كەشەندى شارالار جۇزەگە اسىرىلىپ جاتىر. بۇدان بولەك، مەديسينالىق ساقتاندىرۋ جۇيەسىنىڭ قىزمەتىنە قاتىستى قازاقستاندىقتاردى مازالاعان وزەكتى ماسەلەلەرگە نازار اۋدارىلدى. قور جوسپارىن ىسكە اسىرۋ بارىسىندا، ەڭ الدىمەن، ناۋقاسقا جانە ونىڭ مەديسينالىق كومەككە قاجەتتىلىگىن وتەۋگە باسا ءمان بەرىلەدى.
قاسىم-جومارت توقايەۆ ءابىلقايىر سقاقوۆقا الەۋمەتتىك مەديسينالىق ساقتاندىرۋ جۇيەسىنىڭ تيىمدىلىگىن ارتتىرۋعا باعىتتالعان ءبىرقاتار مىندەت جۇكتەدى.