الماتى قالالىق ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى كۇدىكتىلەردىڭ جابىرلەنۋشىدەن سۇراعان 1 ميلليوننىڭ 650 مىڭ تەڭگەسىن الىپ جاتقان كەزدە ۇستادى.
كۇدىكتىلەر وسىدان ءبىراز ۋاقىت بۇرىن زاڭسىز الىپ كەتكەن كولىكتى قايتارىپ بەرۋ ءۇشىن تانىس ادامنان اقشا بوپسالاعان. ارنايى ءىس-شارا ناتيجەسىندە بەس ەر ادام ۇستالدى، ولاردىڭ ۇلكەنى 35-تە، كىشىسى 27-دە. ولار ۋاقىتشا ۇستاۋ يزولياتورىنا قامالدى، دەپ حابارلايدى Almaty-akshamy.kz .
Polisia.kzء-تىڭ مالىمەتىنشە، اتالعان دەرەك ق ر قك-نىڭ 389 بابى (ءوزiنشە بيلiك ەتۋ) بويىنشا تەرگەلىپ جاتىر. ۇستالعانداردىڭ ەكەۋى بۇرىن ق ر قك-نىڭ 96-بابى (كىسى ءولتىرۋ) جانە ق ر قك-نىڭ 287 بابى (براكونەرلىك) بويىنشا سوتتى بولعان. بۇل جولى ۇستالعان كەزدە كۇدىكتىلەردەن وسىمدىك تەكتەس ۇنتاقتى زات جانە تراۆماتيكالىق تاپانشا تاركىلەندى.
كورسەتىلگەن زاتتار بويىنشا ءتيىستى ساراپتامالار تاعايىندالدى. ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.