26 تامىزدا جامبىل وبلىسى بايزاق اۋدانىندا ورنالاسقان اسكەري بولىمدە ساعات 19:00 شاماسىندا قويمالاردىڭ ءبىرىنىڭ جانىندا ءورت شىقتى. قويمادا ينجەنەرلىك وق-دارىلەر ساقتالعان.
قازاقستان پرەزيدەنتى قاسىم-جومارت توقايەۆ 29 تامىزدى جالپىۇلتتىق ازا تۇتۋ كۇنى دەپ جاريالادى. بۇل تۋرالى مەملەكەت باسشىسى Twitter-دەگى پاراقشاسىندا جازدى، دەپ حابارلايدى Almaty-akshamy.kz.
«جامبىل وبلىسى بايزاق اۋدانىنداعى ادام ولىمىنە اكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كۇنى دەپ جاريالايمىن. قازا بولعان اسكەري قىزمەتشىلەر مەن قۇتقارۋشىلار ەرەن ەرلىك پەن ناعىز جانقيارلىق كورسەتتى. ەرلەرىمىزدىڭ ەسىمى ەل جادىندا ماڭگى ساقتالادى»، - دەدى مەملەكەت باسشىسى.
تاراز قالاسىنىڭ مەكتەپتەرىنە 1200-گە جۋىق ادام، ياعني بايزاق اۋدانى قاينار، بوتامويناق، جىبەك جولى اۋىلدارىنىڭ جانە ءۇشبۇلاق ستانسياسىنىڭ تۇرعىندارى كوشىرىلدى.
جامبىل وبلىسىنداعى اسكەري قويمادا تۇتانۋ فاكتىسى بويىنشا ق ر قىلمىستىق كودەكسىنىڭ 462-بابى (قارۋ-جاراقتى، سونداي-اق اينالاداعىلار ءۇشىن ءقاۋىپ توندىرەتىن زاتتار مەن زاتتاردى ۇستاۋ قاعيدالارىن بۇزۋ) بويىنشا سوتقا دەيىنگى تەرگەۋ باستالدى.
جارىلىستان قازا بولعاندار سانى 12-گە جەتتى.