قاجەتتى قول تولىعىمەن قامتاماسىز ەتىلدى
ورتالىق سايلاۋ كوميسسياسى پرەزيدەنتتىككە التىنشى ۇمىتكەردى تىركەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ورتالىق سايلاۋ كوميسسياسىنىڭ كەزەكتى وتىرىسىندا ق ر پرەزيدەنتتىگىنە جالپىۇلتتىق سوسيال-دەموكراتيالىق پارتيا ۇسىنعان نۇرلان اۋەسبايەۆتىڭ كانديداتۋراسىن تىركەۋ ماسەلەسى قارالدى.
وسك مۇشەسى ءسابيلا مۇستافينانىڭ ايتۋىنشا، اۋماقتىق سايلاۋ كوميسسيالارىنىڭ حاتتامالارى ق ر پرەزيدەنتتىگىنە كانديداتتى قولداۋعا سەنىم بىلدىرىلگەن ادامدار قازاقستاننىڭ 15 وڭىرىنەن 120 908 ازاماتتىڭ قولى جينالعان.
«ولاردىڭ 120 908ء-ى تۇگەل تەكسەرىلىپ، 119 197ء-سى راس دەپ تانىلدى. ياعني قاجەتتى قول تولىعىمەن قامتاماسىز ەتىلدى»، - دەدى وسك مۇشەسى.
وسك مۇشەلەرى ۇمىتكەردىڭ كانديداتۋراسىن قابىلداۋ تۋرالى ءبىراۋىزدان شەشىم قابىلدادى.
«ورتالىق سايلاۋ كوميسسياسىنىڭ اپپاراتىنا نۇرلان ساتىبالدى ۇلى اۋەسبايەۆتىڭ ق ر پرەزيدەنتتىگىنە كانديدات رەتىندە تىركەلگەنى تۋرالى مالىمەتتەردى قازاقستان حالىق جيناق بانكىنە ارناۋلى ۋاقىتشا شوتتى اشۋ ءۇشىن دەرەۋ جىبەرۋدى جانە كانديداتتىڭ تىركەلگەنى تۋرلى حاباردى باق-تا جاريالاۋدى قامتاماسىز ەتۋدى تاپسىرامىن. وسىلايشا، ورتالىق سايلاۋ كوميسسياسى نۇرلان ساتىبالدى ۇلى اۋەسبايەۆتى ق ر پرەزيدەنتتىگىنە كانديدات رەتىندە تىركەدى»، - دەدى وسك ءتوراعاسى نۇرلان ءابدىروۆ.
سونداي-اق بۇگىن سالتانات تۇرسىنبەكوۆا دا پرەزيدەنت سايلاۋىنا كانديدات رەتىندە رەسمي تىركەلگەن بولاتىن.