پرەمەر-مينيسترگە سۋ تاپشىلىعىنا قاتىستى دەپۋتاتتىق ساۋال جولداندى

قازاقستاندا 2040 جىلعا قاراي اۋىز سۋ تاپشىلىعى 50% دەيىن جەتۋى مۇمكىن – سەناتور

ەكولوگيا ماسەلەسى بۇگىن سەناتتا دا كوتەرىلدى. دەپۋتات ءابدالى نۇرالييەۆ پرەمەر-مينيستر اسقار ءماميننىڭ اتىنا سۋ تاپشىلىعىنا قاتىستى دەپۋتاتتىق ساۋال جولدادى، دەپ حابارلايدى Almaty-akshamy.kz «الماتى» تەلەارناسىنىڭ سايتىنا سىلتەمە جاساپ.

دەپۋتاتتىڭ ايتۋىنشا قازاقستاندا 2040 جىلعا قاراي اۋىز سۋ 50 پايىزعا دەيىن تاپشى بولۋى مۇمكىن. ونىڭ سوزىنشە، ەلىمىزدىڭ تاۋ كولدەرىنە «قازگيدرومەت» رمك جۇرگىزگەن كوپ جىلدىق باقىلاۋ ناتيجەسى بويىنشا وتكەن جىلى قار جامىلعىسى ايتارلىقتاي تومەندەگەن.

سەناتور ءوزىنىڭ دەپۋتاتتىق ساۋالىندا ءبىرقاتار ناقتى قادامداردى ۇسىندى، ولاردىڭ ورىندالۋى وسى ماسەلەنى شەشۋگە كومەكتەسۋى ءتيىس.  

«سۋ رەسۋرستارىنىڭ بولجامدى تاپشىلىعىن ازايتۋ ماقساتىندا ەلىمىزدە جەراستى سۋ قورلارىن زەرتتەۋ مەن قايتا باعالاۋدى جانداندىرۋ قاجەت. سونداي-اق ۇڭعىمالاردى قازۋعا بولىنەتىن سۋبسيديالاردىڭ كولەمىن ۇلعايتۋ كەرەك. ودان باسقا، قازاقستاننىڭ ءبىرقاتار وبلىستارىن سۋمەن قامتاماسىز ەتىپ وتىرعان شۋ جانە تالاس وزەندەرىنىڭ بويىنان قىرعىز رەسپۋبليكاسىنىڭ «بۋرۋلداي» سۋ قويماسى مەن «بالا-سارۋۋ» گەس-ىن سالۋ جوسپارلارىنا بايلانىستى ءتيىستى شارالاردى قاراۋ قاجەت»، – دەدى ق ر پارلامەنتى سەناتىنىڭ دەپۋتاتى ءابدالى نۇرالييەۆ.