مەملەكەت باسشىسى قاسىم-جومارت توقايەۆ VIII سايلانعان قازاقستان رەسپۋبليكاسى پارلامەنتىنىڭ ءبىرىنشى سەسسياسىندا پرەمەر-مينيستردىڭ كانديداتۋراسىن سايلاۋدا جەڭىسكە جەتكەن «Amanat» پارتياسى ۇسىناتىنىن ايتتى، -دەپ حابارلايدى اlmaty-akshamy.kz قازاقپارات-قا سىلتەمە جاساپ.
«مەن پرەمەر-مينيستردىڭ كانديداتۋراسىن سايلاۋدا جەڭىسكە جەتكەن پارتيا مەملەكەت باسشىسىنا ۇسىنۋعا قۇقىلى دەپ ايتتىم. وسى رەتتە، ساياسي جاۋاپكەرشىلىك تە سول پارتياعا جۇكتەلەدى»، - دەدى مەملەكەت باسشىسى.
مەملەكەت باسشىسىنىڭ ايتۋىنشا، بۇل ءتاسىل «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» تۇجىرىمداماسىنا ساي كەلەدى.
«ۇكىمەت الەۋمەتتىك-ەكونوميكالىق رەفورمالاردى ىسكە اسىرۋعا ءتيىس. بولاشاقتا ۇكىمەتتەگى جانە ايماقتارداعى باسشىلىق قىزمەتتەرگە ءتۇرلى پارتيا وكىلدەرىن تارتقان ءجون. ول ءۇشىن ساياسي پارتيالاردىڭ كادرلىق رەزەرۆىن جاساقتاۋدى ۇسىنامىن. سونداي-اق، وكىلدى جانە اتقارۋشى بيلىكتىڭ قارىم-قاتىناسى جاڭاشا سيپاتقا يە بولادى»، - دەدى قاسىم-جومارت توقايەۆ.