پرەمەر-مينيستر «قازاقفيلمگە» باردى

كينو وندىرىسىنە قاجەتتى اپپاراتۋرالار ساتىپ الىنىپ جاتىر.

ق ر پرەمەر-مينيسترى اسقار مامين الماتى قالاسىنا جۇمىس ساپارى بارىسىندا شاكەن ايمانوۆ اتىنداعى «قازاقفيلم» كينوستۋدياسىنا باردى، دەپ حابارلايدى Almaty-akshamy.kz Baq.kz-كە سىلتەمە جاساپ.

ۇكىمەت باسشىسىن كينوستۋديانىڭ كوركەمدىك جەتەكشىسى، قازاقستاننىڭ ەڭبەك ەرى ءاسانالى ءاشىموۆ جانە «ءقازاقفيلمنىڭ» پرەزيدەنتى اقان ساتايەۆ قارسى الدى.
كەزدەسۋ بارىسىندا پرەمەر-مينيستر ەلىمىزدىڭ باستى كينوالاڭى – «قازاقفيلم» كينوستۋدياسىنىڭ تىنىس-تىرشىلىگىمەن، دامۋ پەرسپەكتيۆالارىمەن، الداعى جوسپارلارىمەن تانىستى.

ۇلتتىق كينو ونەرىنە زور كوڭىل ءبولىپ، جان-جاقتى قولداۋ كورسەتىپ جاتقانىڭىزعا العىس ايتامىز. مەملەكەتتىڭ قولداۋى ارقاسىندا كينوستۋديانى حالىقارالىق دەڭگەيگە شاعارامىز دەگەن باستى ماقساتىمىزعا جەتەمىز دەپ نىق سەنەمىن، - دەدى اقان ساتايەۆ.

سونىمەن قاتار «ءقازاقفيلمنىڭ» پرەزيدەنتى 2021-2023 جىلدارعا جوسپارلانعان كينوستۋديانى جاڭعىرتۋ بويىنشا جۇمىس جوسپارىنا سايكەس جۇرگىزىلىپ جاتقانىن ايتتى. ونىڭ ايتۋىنشا، بۇگىنگى كۇنى كينو وندىرىسىنە قاجەتتى اپپاراتۋرالار ساتىپ الىنىپ جاتىر. سونداي-اق ول كينوستۋديانىڭ عيماراتتارى مەن قۇرىلىستارىن جوندەۋ جانە ينجەنەرلىك جەلىلەردى جاڭارتۋ جوبالارىمەن تانىستىردى.