الماتى اكىمى ب. ساعىنتايەۆ قالا ءماسليحاتىنا الماتى مەتروسىنىڭ بەكەتتەرىن وزگەرتۋ تۋرالى ۇسىنىس ەنگىزدى.
باقىتجان ساعىنتايەۆ Facebook-تەگى پاراقشاسىندا قالا كۇنى قارساڭىندا ءماسليحاتقا قوعامدا تالقىلانىپ جاتقان ماسەلەلەردى شەشۋ تۋرالى ۇسىنىس ەنگىزگەنىن ايتتى، دەپ حابارلايدى Almaty-akshamy.kz.
«بۇل الماتى مەتروپوليتەنىندە سالىنىپ جاتقان ەكى ستانسانىڭ اتاۋىن وزگەرتۋگە قاتىستى»، - دەپ جازدى ب. ساعىنتايەۆ.
«دوستىق» ستانساسىنا باۋىرجان مومىش ۇلىنىڭ ەسىمىن بەرۋ ۇسىنىلادى. بولاشاقتا «زاپادنىي» اۆتوۆوكزالى اتالۋى ءتيىس ستانساعا «قاراساي» اتاۋى ۇسىنىلماق.
دوستىق بەكەتى اباي داڭعىلى مەن مومىش ۇلى كوشەسىنىڭ قيىلىسىندا سالىنىپ جاتىر. ونىڭ تەحنيكالىق ىسكە قوسىلۋى وسى جىلدىڭ سوڭىنا جوسپارلانعان. «زاپادنىي» اۆتوۆوكزال بەكەتى الماتى وبلىسى قاراساي اۋدانىنىڭ شەكاراسىندا سالىنادى.