ساۋدا ۇستەمەسىن باقىلاۋ تاپسىرىلدى
ق ر پرەمەر-مينيسترى ءاليحان سمايىلوۆ الەۋمەتتىك ماڭىزى بار ازىق-تۇلىك تاۋارلارىنىڭ (ءامات) باعاسىن ۇستاپ تۇرۋ ماسەلەلەرى جونىندەگى كەڭەستە اكىمدەردىڭ وسى باعىتقا جەتەكشىلىك ەتەتىن ورىنباسارلارى جاعدايدى باقىلاپ، ءتيىستى شارالار قابىلداۋى قاجەتتىگىن ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
ۇكىمەتتىڭ رەسمي سايتىنا سىلتەمە جاساپ. وڭىرلەر بويىنشا ەڭ جوعارى باعا ءوسىمى قاراعاندى وبلىسىندا - 0،4%، تاعى 11 وڭىردە – نۇر-سۇلتان جانە شىمكەنت قالالارىندا، ماڭعىستاۋ، اقتوبە، اقمولا، قوستاناي، قىزىلوردا، باتىس قازاقستان، سولتۇستىك قازاقستان، الماتى جانە تۇركىستان وبلىستارىندا - 0،3% تىركەلدى.
ق ر ساۋدا جانە ينتەگراسيا مينيسترلىگى ساۋدا كوميتەتىنىڭ ءتوراعاسى ەرجان قازانبايەۆتىڭ ايتۋىنشا، «اينالىم سحەماسى» قۇرالىنىڭ مونيتورينگى بەكىتىلگەن قارجىلاندىرۋ جوسپارىنىڭ تولىق قامتىلماعانىن كورسەتەدى. سالالىق ۆەدومستۆو بولشەك ساۋدا وبەكتىلەرىنىڭ رۇقسات ەتىلگەن ساۋدا ۇستەمەسىن ساقتاۋى بويىنشا جەرگىلىكتى اتقارۋشى ورگانداردىڭ جۇمىسىن ۇيلەستىرۋدى جالعاستىرىپ وتىر. وتكەن اپتادا رەيدتىك ءىس-شارالار اياسىندا ءۇي ماڭىنداعى 33،6 مىڭ دۇكەن نەمەسە ساۋدا وبەكتىلەرىنىڭ 78،9%-ى قامتىلىپ، 424 فاكتى انىقتالدى. سونىڭ ناتيجەسىندە ساۋدا ۇستەمەلەرى 15%-عا تومەندەدى. اۋىل شارۋاشىلىعى مينيسترلىگىنىڭ دەرەكتەرىنە سايكەس، رەسپۋبليكا بويىنشا ءامات قورى - شامامەن 744 مىڭ توننا، ونىڭ ىشىندە «اينالىم سحەماسى» اياسىنداعى قورلار – 108 مىڭ توننا، تۇراقتاندىرۋ قورلارىندا – 25،6 مىڭ توننا جانە 52،9 مىڭ تونناعا فورۆاردتىق كەلىسىمشارتتار جاسالدى.
مينيسترلىكە اكىمدىكتەرمەن بىرگە وڭىرلەر اراسىندا اۋىل شارۋاشىلىعى ونىمدەرىنىڭ قاجەتتىلىكتەرىن ەسكەرە وتىرىپ، ولاردى جەدەل تارتىپپەن جەتكىزىپ وتىرۋ ءۇشىن ءوندىرىس پەن تۇتىنۋ تەڭگەرىمىن تۇراقتى نەگىزدە وزەكتەندىرۋ تاپسىرىلدى.
«بۇگىنگى تاڭدا وڭتۇستىك وڭىرلەردە كوكونىستەردىڭ كەيبىر تۇرلەرى ءپىسىپ جاتىر. باعاسى ءوسىپ جاتقان كوكونىستەردى جەتكىزۋگە كەلىسىمشارت جاساۋ قاجەت. سونىمەن قاتار، كۇزدە تۇراقتاندىرۋ قورلارىندا سالىستىرمالى تۇردە تومەن باعامەن قاجەتتى ازىق-تۇلىك كولەمى بولۋى ءۇشىن فورۆاردتىق ساتىپ الۋ بويىنشا قارجىلاندىرۋدى ارتتىرۋ قاجەت. بۇل جۇمىستى بۇگىننەن باستاپ جۇرگىزگەن ءجون»، - دەدى ۇكىمەت باسشىسى وبلىس اكىمدەرىنە.
سونىمەن قاتار، پرەمەر-مينيستر ساۋدا جانە ينتەگراسيا مينيسترلىگىنە وبلىس اكىمدىكتەرىمەن بىرلەسىپ، ساۋدا ۇستەمەسىن، اسىرەسە ونى كوتەرمە ساۋدا ورىندارىندا باقىلاۋعا ەرەكشە نازار اۋدارۋدى، سونداي-اق «اينالىم سحەماسىن» قارجىلاندىرۋدى 100% نىسانالى دەڭگەيگە دەيىن جەتكىزۋدى تاپسىردى.
«ينفلياسيا ماسەلەلەرى حالىقتىڭ الەۋمەتتىك كوڭىل-كۇيىنە اسەر ەتەدى، ول كۇندەلىكتى باقىلاۋدا بولۋى ءتيىس. اكىمدەردىڭ وسى باعىتقا جەتەكشىلىك ەتەتىن ورىنباسارلارى جاعدايدى باقىلاپ، ءتيىستى شارالار قابىلداۋى قاجەت. بىزدە قاجەتتى قۇرالدار بار»، - دەپ تۇيىندەدى ءاليحان سمايىلوۆ.