پوشتا، تانىمال مەسەندجەرلەر ارقىلى ەسىرتكى ساۋداسىمەن اينالىسقان ەكى الماتىلىق ۇستالدى

الماتىدا ەسىرتكى قويۋشىلار ۇستالدى.

بۇل جولى ەسىرتكى قىلمىسىمەن 25 جاستاعى ا. ەسىمدى ازامات جانە 19 جاستاعى ن. ەسىمدى ازامات اينالىسقان. ەكەۋى دە الماتىلىقتار، دەپ حابارلايدى Almaty-akshamy.kz Polisia.kz-كە سىلتەمە جاساپ. 

"ەسىرتكى ساتۋشىلار وتىرعان Lexus كولىگىن پوليسيا قىزمەتكەرلەرى قايىربەكوۆ كوشەسىنىڭ بويىنان توقتاتتى. كولىكتىڭ ىشىنەن جاشىك تابىلدى جانە تاركىلەندى، ونىڭ ىشىندە جاسىل ءتۇستى، ەرەكشە ءيىستى، وسىمدىك زاتى بار ەكى پوليەتيلەن بايلامى بولدى. ساراپتاما قورىتىندىسىنا سايكەس، تاركىلەنگەن زاتتار جالپى سالماعى 375،62 گرامم ماريحۋانا ەكەنى دالەلدەندى. سونداي-اق، اتالعان كولىكتىڭ جۇكسالعىشىندا 136 پوليەتيلەن بايلامى تابىلدى جانە تاركىلەندى، ونىڭ ىشىندە جابايى وسەتىن كەندىردىڭ ەرەكشە ءيىسى بار جاسىل ءتۇستى وسىمدىك زاتتارى ورالعان. بايلامدارداعى ءشوپتىڭ سالماعى –  127،53 گرامم"، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

جاۋاپ الۋ كەزىندە كۇدىكتىلەر ەسىرتكى قويۋشى رەتىندە “جۇمىس ىستەيتىنىن” مويىندادى. تاۋارلاردى پوشتا ارقىلى، ال تاپسىرىستاردى تانىمال مەسسەندجەر ارقىلى قابىلدانعان.

"كۇدىكتىلەردىڭ ىس-ارەكەتتەرى ق ر قك-نىڭ 297-بابى 3-بولىگى 5-تارماعىمەن سارالانادى. ەستەرىڭىزگە سالا كەتەيىك، بۇل ەسىرتكى قىلمىسى ءۇشىن 10 جىلدان 15 جىلعا دەيىن باس بوستاندىعىنان ايىرۋ جازاسى قاراستىرىلعان"، – دەدى ەرلان الماعامبەتوۆ.